top of page

သန့်ရှင်းသော ၀ိညာဉ်တော်သည် မည်သူနည်း?

မေးခွန်း - သန့်ရှင်းသော ၀ိညာဉ်တော်သည် မည်သူနည်း?




အ‌ဖြေ - သန့်ရှင်းသော ၀ိညာဥ်တော် အကြောင်းနှင့် ပတ်သက်၍ မှားယွင်းသော ခံယူချက်များစွာ ရှိသည်။ သန့်ရှင်း သော ၀ိညာဉ်တော်အကြောင်းကို နားလည်ရန် အလွန်ခက်ခဲသည်ဟု တချို့သော သူတို့က မြင်တွေ့ကြသည်။ တချို့သော သူတို့က သန့်ရှင်းသော ၀ိညာဥ်တော် သည် ဘုရားသခင်က ခရစ်တော်၏ နောက်လိုက်သော သူများအတွက် ပြင်ဆင်ပေး ထားသော လူပုဂ္ဂိုလ်မဟုတ်၊ တန်ခိုးကြီးသောသူ ဖြစ်သည်ဟု သိရှိသည်။ သန့်ရှင်းသော ၀ိညာဥ်တော် အကြောင်း နှင့် ပတ်သက်၍ သမ္မကျမ်းစာက မည်သို့ဖော်ပြထားသနည်း။ သမ္မကျမ်းစာက သန့်ရှင်းသော ၀ိညာဥ်တော်သည် ဘုရားသခင်ဖြစ် သည်ဟု ပြောထားပါသည်။သန့်ရှင်းသေ ၀ိညာဥ်တော်သည် လူပုဂ္ဂိုလ်တစ်ဦးဖြစ်ကြောင်း၊ စိတ်၊ လှုပ်ရှားမှု၊ ဆန္ဒတွေ ရှိ ကြောင်း သမ္မာကျမ်းစာက ဖော်ပြထားပါသည်။

ကျမ်းပိုဒ်များစွာတို့နှင့် အတူ တမန်တော်၊ ၅း၃-၄ ထဲတွင် သန့်ရှင်းသော ၀ိညာဥ်တော်သည် ဘုရားသခင် ဖြစ် ကြောင်း မျက်ဝါးထင်ထင် တွေ့မြင်နို်င်ပါသည်။ ဤကျမး်ပိုဒ်တွင် ပေတရုက အာနနိ အား သူသည် အဘယ့်ကြောင့် ဘုရား သခင်ကို လိမ်ညာခဲ့ကြောင်း၊ သူ၏ အပြစ်ကို ဖော်ပြ၍ “လူတွေကို လိမ်ညာခြင်းမဟုတ်ပဲ ဘုရားသခင်ကို လိမ်ညာခြင်းဖြစ် ကြောင်း” ပေတရု က သူ့အား ပြောထားသည်။ သန့်ရှင်းသေ ၀ိညာဥ်တေ်ာျကို လိမ်ညာခြင်းသည် ဘုရားသခင်ကို လိမ်ညာ ခြင်းဖြစ်ကြောင်း သေချာသော ဖော်ပြချက်ဖြစ်ပါသည်။ သန့်ရှင်းသော ၀ိညာဥ်တော်သည် ဘုရားသခင် ပိုင်ဆိုင်သော အရည်အချင်း်များ (သို့) ၀ိသေသတို့ကို ပိုင်ဆိုင်ထားသဖြင့် သန့်ရှင်းသော ၀ိညာဥ်တော်သည် ဘုရားသခင်ဖြစ်သည်ဟု ကျွနု်ပ်တို့ သိရှိနိုင်သည်။ ဥပမာအားဖြင့်၊ ဆာ၊ ၁၃၉၊ ၇-၈ ထဲတွင် သနျ့ရှငျးသော ၀ိညာဉျတောျသည် နေရာတိုင်း၌ ရှိကြောင်းကို တွေ့ရ သည်။ “၀ိညာဉ်တော်နှင့် လွတ်စေခြင်းငှါ အဘယ်အရပ်သို့ သွားနိုင်ပါမည်နည်း။ မျက်နှာတော် နှင့် လွတ်စေခြင်းငှါ အဘယ့် အရပ်သို့ ပြေးနိုင်ပါမည်နည်း။ ကောင်းကင်သို့တက်လျှင် ကို်ယ်တော်ရှိတော်မူ၏။ မရဏနိုင်ငံ၌လည်း အိပ်ရာကို ခင်းလျှင် ကိုယ်တော်ရှိတော်မူ၏”။ ထို့နောက် ၁ကော၊ ၂း၁၀ တွင် သနျ့ရှငျးသော ၀ိညာဥ်တော်၏ သမ္ဗညုတ္တဉာဏ်တော်နှင့် ပြည့်စုံသော ၀ိသေသကို တွေ့နိုင်ပါသည်။ “ထိုအရာတို့ကို ဘုရားသခင်သည် မိမိ၀ိညာဉ်တော်အားဖြင့် ငါတို့အား ပြတော်မူ၏။ ၀ိညာဉ်တော်သည် ဘုရားသခင်၏ နက်နဲသော အရာတိုင်အောင် ခပ်သိမ်းသော အရာတို့ကို စစ်တော်မူ၏။ လူ၏ နက်နဲသော အရာကို လူ၌ရှိသော မိမိစိတ်ဝိညာဉ်မှ တစ်ပါး အဘယ်သူသိသနည်း။ ထိုနည်းတူ ဘုရားသခင်၏ နက်နဲသော အရာကို ဘုရားသခင်၏ ၀ိညာဉ်တော်မှ တပါး အဘယ်သူမျှ မသိ။” သန့်ရှင်းသော ၀ိညာဥ်တော်သည် စိတ်၊ လှုပ်ရှားမှု၊ ဆန္ဒရှိသဖြင့် လူပုဂ္ဂိုလ်ဖြစ်သည်ဟု ကျွနု်ပ်တို့ပြောနိုင်ပါသည်။ သနျ့ရှငျးသော ၀ိညာဉျတောျသည် တွေးတော၍ သိရှိသည် (၁ကော၊ ၂း၁၀)။ သန့်ရှင်းသော ၀ိညာဥ်တော်က နာကျည်းမှုကို ခံစားနိုင်သည် (ဧ၊ ၄း၃၀)။ သနျ့ရှငျးသော ၀ိညာဥ်တော်က ကျွန်ုပ်တို့အတွက် ကိုယ်စားပြုဆုတောင်းပေးနေသည် (ရော၊ ၈း၂၆-၂၇)။ သန့်ရှင်းသော ၀ိညာဥ်တော်သည် သူ၏ ဆန္ဒအတိုင်း ဆုံးဖြတ်ချက် ချသည် (၁ကော၊ ၁၂းရ-၁၁)။ သနျ့ရှငျးသော ၀ိညာဥ်တော်သည် ဘုရားသခင်ဖြစ်၍ သုံးပါးတစ်ဆူထဲတွင် “တတိယမြောက် ပုဂ္ဂိုလ်” ဖြစ်သည်။ ဘုရားသခင်ကဲ့သို့ သန့်ရှင်းသော ၀ိညာဥ်တော်သည်လည်း သခင်ယေရှု ကတိပေးခဲ့သည့်အတိုင်း နှစ်သိမ့်သူ၊ တိုင်ပင်ဖက်အဖြစ် ကူညီလုပ်ဆောင်နိုင်ပါသည် (ယောဟန်၊ ၁၄း၁၆၊ ၂၆၊ ၁၅း၂၆)။

သန့်ရှင်းသောဝိညာဉ်တော်ကို မည်သည့်အချိန်/မည်ကဲ့သို့ ရရှိသနည်း။

မေးခွန်း - သန့်ရှင်းသောဝိညာဉ်တော်ကို မည်သည့်အချိန်/မည်ကဲ့သို့ ရရှိသနည်း။

အဖြေ - မန်တော်ရှင်ပေါလုက ကျွနု်ပ်တို့သည် သခင်ယေရှုခရစ်တော်ကို မိမိကယ်တင်ပိုင်ရှင်အဖြစ်ယုံ ကြည်လက္ခံသည်နှင့်တပြိုင်နက် သန့်ရှင်းသောဝိညာဉ်တော်ရရှိသည်ဟု သွန်သင်ထားပါသည်။ ၁ကော ၁၂ း၁၃ ထဲတွင် “အကြောင်းမူကား၊ ယုဒလူဖြစ်စေ၊ ဟေလသလူဖြစ်စေ၊ကျွန်ဖြစ်စေ၊ လူလွတ်ဖြစ်စေ၊ ငါတို့ရှိသမျှသည် ၀ိညာဉ်တပါးတည်းအားဖြင့်၊ တကိုယ်တည်းထဲသို့ ဗတ္တိဇံကို ခံကြ၏။ ငါတို့ရှိသမျှသည် တစိတ်တဝိညာဉ်တည်းထဲသို့လည်း သောက်ကြ၏” ဟုဖော်ပြထားသည်။ ရောမ ၈း၉ က သန့်ရှင်းသောဝိ ညာဉ်တော်မပိုင်ဆိုင်သောသူများသည် သခင်ယေရှုလူမဟုတ်သောသူများဖြစ်ကြသည်ဟု ဖော်ပြထား သည်။ “သို့သော်လည်း ဘုရားသခင်၏ဝိညာဉ်တော်သည် သင်တို့အထဲ၌ ကျိန်းဝပ်တော်မူလျှင်၊ သင်တို့ သည် ဇာတိပကတိ၌ရှိကြသည်မဟုတ်။ ၀ိညာဉ်ပကတိဘက်၌ရှိကြ၏။ ခရစ်တော်၏ဝိညာဉ်ကို မရသောသူ မည်သည်ကား ခရစ်တော်နှင့်မဆိုင်။” ဧဖက် ၁း၁၃-၁၄ထဲတွင် ယုံကြည်သောသူများသည် သန့်ရှင်းသော ၀ိညာဉ်တော်၏တံဆိပ်ခတ်ခြင်းကို ခံသောသူများဖြစ်ကြသည်ဟု သွန်သင်ထားပါသည်။ “သင်တို့ သည် လည်းကယတင်တော်ခြင်းအကြောင်းနှင့် ယှဉ်သောဧဝံဂေလိတရားတည်းဟူသော သမ္မာတရားကို ကြားနာ ရ၍၊ ထိုခရစ်တော်ကိုယုံကြည်ပြီးမှ ဂတိတော်နှင့်ယှဉ်သော သန့်ရှင်းသောဝိညာဉ်တော်၏ တံဆိပ်ခတ်ခြင်း ကို ခံရကြပြီ။ ပိုင်ထိုက်တော်သောသူတို့သည် ဘုန်းတော်ကိုချီးမွမ်းခြင်းအကြောင်းနှင့် ရွေး နှုတ်တော်မူခြင်း သို့မရောက်မှီကာလပတ်လုံး ထိုဝိညာဉ်တော်သည် ငါတို့အမွေ၏စားရန်ဖြစ်တော်မူ၏” ဟု ဖော်ပြထား ပါသည်။

အထက်၌ဖော်ပြထားသောကျမ်းပိုဒ်များကိုကြည့်လျှင် ကယ်တင်ခြင်းစိတ်ချမှုရရှိသည်နှင့်တပြိုင်တည်း သန့် ရှင်းသောဝိညာဉ်တော်ရရှိသည်ဟု သေချာစွာ ဖော်ပြထားပါသည်။ တမန်တော်ရှင်ပေါလုက ကောရ န္တုမြို့ တွင် ရှိသောယုံကြည်သူအားလုံးတို့သည် သန့်ရှင်းသောဝိညာဉ်တော်မပိုင်လျှင် ကျွနု်ပ်တို့အားလုံးသည် ၀ိညာဉ်တစ်ခုတည်း၌ဗတ္တိဇံကို ခံယူခြင်း တစ်ဝိညာဉ်တည်း၌ ၀ိညာဉ်တော်ရေသောက်ခြင်းဖြစ်သည်ဟု မပြောခဲ့ပေ။ ရောမ ဂး၉သည် သန့်ရှင်းဝိညာဉ်တော်ကို မရသောသူများသည် သခင်ယေရှုမပိုင်သောသူများ ဖြစ်ကြသည်ဟု အတိအလင်းဖော်ပြထားပါသည်။ ထိုကြောင့် သန့်ရှင်းသောဝိညာဉ်တော်ပိုင်ဆိုင်ခြင်းသည် ကယ်တင်ခြင်းစိတ်ချမှုရရှိခြင်းဖြစ်သည်။ ထို့ပြင် ကယ်တင်ခြင်းရရှိသည့်အချိန်တွင် သန့်ရှင်းသောဝိညာဉ် တော်မရလျှင် “ကယ်တင်ခြင်းအတွက် တံဆိပ်ခတ်ခြင်း” (ဧဖက် ၁း၁၃-၁၄)သည် သန့်ရှင်းသောဝိညာဉ် တော်မဟုတ်ပေ။ ကျွနု်ပ်တို့သည် ခရစ်တော်ကို ကယ်တင်ရှင်အဖြစ်ယုံကြည်လက်ခံကြသောအခါ ကျွနု်ပ်တို့ရရှိသောကယ်တင်ခြင်းသည် လုံခြုံမှုရှိသည်ဟု အာမခံပေးသော ကျမ်းပိုဒ်များစွာရှိသည်။

သန့်ရှင်းသောဝိညာဉ်တော်၏ သာသနာလုပ်ငန်းများသည် စိတ်ရှုတ်ထွေးမှုများစွာရှိသောကြောင့် ယခု ဆွေးနွေးထားသော ဤအချက်များသည် ငြင်းဆိုဖွယ်ရှိသည်။ သန့်ရှင်းသောဝိညာဉ်တော်ကျိန်းဝပ်ခြင်း/ ရရှိခြင်းသည် ကယ်တင်ခြင်းစိတ်ချမှုရရှိသော အချိန်တွင် ဖြစ်ပေါ်လျက်ရှိသည်။ သန့်ရှင်းသောဝိညာဉ် တော်နှင့် ပြည့်ဝခြင်းသည် ခရစ်ယာန်အသက်တာထဲတွင် အစဉ်အတိုင်းဖြစ်ထွန်းလျက်ရှိသောအရာဖြစ် သည်။ ကျွနု်ပ်တို့သည် ကယ်တင်ခြင်းရရှိသည်နှင့်တပြိုင်တည်း သန့်ရှင်းသောဝိညာဉ်တော်ရရှိသည်ဟု ယုံကြည်သော်လည်း အချို့သောခရစ်ယာန်များက ယုံကြည်ခြင်းမရှိခဲ့ကြပေ။ ထိုကြောင့် သန့်ရှင်းသောဝိ ညာဉ်တော်၏ဗတ္တိဇံခံယူခြင်းကို “သန့်ရှင်းသောဝိညာဉ်တော်ရရှိခြင်း” နှင့် ရောထွေးတတ်ကြသည်။ သန့် ရှင်းသောဝိညာဉ်တော်၏ဗတ္တိဇံခံယူခြင်းသည် ကယ်တင်ခြင်းရရှိခြင်းအတွက် အဆက်မပြတ်ဖြစ်ပေါ် နေသောအရာဖြစ်သည်။

နိဂုံးအနေဖြင့်၊ ကျွနု်ပ်တို့သည် သန့်ရှင်းသောဝိညာဉ်တော်ကို မည်သို့ရရှိကြသနည်း။ ကျွနု်ပ်တို့သည် သန့်ရှင်းသောဝိညာဉ်တော်ကို သခင်ယေရှုခရစ်တော်ကို မိမိအသက်ကယ်တင်ပိုင်ရှင်အဖြစ်ယုံကြည်လက္ခံ ရရှိခြင်းအားဖြင့် ရရှိသည် (ယောဟန် ၃း၅-၆)။ ကျွနု်ပ်တို့သည် သန့်ရှင်းသောဝိညာဉ်တော်ကို မည်သည့် အချိန်တွင် ရရှိခဲ့သနည်း။ ကျွနု်ပ်တို့သည် သခင်ယေရှုကို ယုံကြည်လက္ခံသောအချိန်မှစ၍ သန့်ရှင်းသော ၀ိညာဉ်တော်ကို အစဉ်အမြဲပိုင်ဆိုင်သည်။

သန့်ရှင်းသောဝိညာဉ်တော်အားဖြင့် နှစ်ခြင်းခံယူခြင်းသည် မည်သည့်အရာကို ဆိုလို သနည်း။

မေးခွန်း - သန့်ရှင်းသောဝိညာဉ်တော်အားဖြင့် နှစ်ခြင်းခံယူခြင်းသည် မည်သည့်အရာကို ဆိုလို သနည်း။

အဖြေ - န့်ရှင်းသောဝိညာဉ်တော်အားဖြင့် နှစ်ခြင်းခံယူခြင်းသည် ဘုရားသခင်ဝိညာဉ်တော်လုပ်ဆောင် ချက်ဖြစ်သည်။ သူက ယုံကြည်သူတစ်ဦးသည် ကယ်တင်ခြင်းစိတ်ချမှုရသည်နှင့် တပြိုင်နက်ခရစ် တော်နှင့်၄င်း၊ ခရစ်တော်၏ခန္ဓာကိုယ်ထဲတွင်ရှိသော အခြားယုံကြည်သူများနှင့်၄င်း စည်းလုံးညီညွတ်ရှိ စေသည်။ ကောရိ န္တုသြဝါဒစာပဌမစောင် ၁၂း၁၂-၁၃ သည် သမ္မာကျမ်းစာထဲတွင်ဖော်ပြထားသော သန့်ရှင်းသောဝိညာဉ်တော်အားဖြင့်နှစ်ခြင်းခံယူခြင်းနှင့်ဆက်လျဉ်း၍ မဏိ္ဌိုင်အဖြစ်ဖော်ပြထားသောကျမ်း ပိုဒ်ဖြစ်သည်။ “အကြောင်းမူကား၊ ယုဒလူဖြစ်စေ၊ ဟေလသလူဖြစ်စေ၊ ကျွန်ဖြစ်စေ၊ လူလွတ်ဖြစ်စေ၊ ငါတို့ ရှိသမျှသည် ၀ိညာဉ်တော်တပါးတည်းအားဖြင့် တကိုယ်တည်းထဲသို့ ဗတ္တိဇံကိုခံကြ၏။ ငါတို့ရှိသမျှသည် တစိတ်တဝိညာဉ်တည်းထဲသို့လည်းသောက်ကြ၏” (၁ကော ၁၂း၁၃)။ ရောမ ၆း၁-၄ ထဲတွင် ဘုရားသ ခင်၏ ၀ိညာဉ်တော်ကို အထူးဖော်ပြလိုခြင်းမဟုတ်ပေ။ ၄င်းသည် ကောရိ န္တုသြဝါဒစာပဌမစောင်ထဲတွင် ဖော်ပြထားသော ဘုရားသခင်၏ရှေ့မှောက်၌ ဖြစ်သင့်ဖြစ်ထိုက်သော နေရာရာထူးကို ဖော်ပြလိုခြင်းဖြစ် သည်။ “ထိုသို့မှန်လျှင်၊ အဘယ်သို့ပြောရမည်နည်း။ ကျေးဇူးတော်ပွါးများစေခြင်းငှါ အပြစ်တရားကို ကျင့် ၍ နေရမည်လော။ ထိုသို့မနေရ။ အပြစ်တရားမှ စုတေ့သောသူတို့သည် ထိုတရား၌အဘယ်သို့ရှင်ရဦး မည်နည်း။ ယေရှုခရစ်၌ ဗတ္တိဇံကို ခံသောသူရှိသမျှတို့သည် အသေခံတော်မူခြင်း၌ ဗတ္တိဇံကို ခံကြသည်ဟု သင်တို့ မသိသလော။ ထိုကြောင့်၊ အသေခံတော်မူခြင်း၌ ဗတ္တိဇံကို ခံသောအားဖြင့်၊ ထိုသခင်နှင့်အတူသ ဂြိုဟ်ခြင်းကို ခံကြ၏။ အကြောင်းမူကား၊ ခရစ်တော်သည်ခမည်းတော်၏ဘုန်းတန်ခိုးအားဖြင့် သေခြင်းမှထ မြောက်တော်မူသည့်နည်းတူ၊ ငါတို့သည်လည်းအသစ်သောအသက်၌ ကျင်လည်ရကြသတည်း။”

အောက်တွင်ဖော်ပြထားသော အချက်အလက်များသည် သန့်ရှင်းသောဝိညာဉ်တော်ဗတ္တိဇံခံခြင်းကို ကွင်းကွင်းကွက်ကွက်သိရှိနိုင်ရန် မရှိမဖြစ်လိုအပ်သောအချက်များဖြစ်သည်။ ပထမအနေဖြင့်၊ ၁ကော ၁၂း၁၃ က ယုံကြည်သူအယောက်စီတိုင်းသည် အတူတကွဗတ္တိဇံကိုခံကြပြီး၊ ၀ိညာဉ်တော်ရေ(သန့်ရှင်း သောဝိညာဉ်တော်ကျိန်းဝပ်ခြင်း)ကိုအတူတကွ သောက်ကြသည် ဟု တိကျရှင်းလင်းစွာဖော်ပြထားသည်။ ဒုတိယအနေဖြင့်၊ သမ္မာကျမ်းစာထဲတွင် ယုံကြည်သူများဝိညာဉ်တော်နှင့်အတူ၊ ၀ိညာဉ်တော်အားဖြင့်ဗတ္တိဇံ ခံခြင်း (သို့) သန့်ရှင်းသောဝိညာဉ်တော်၏ဗတ္တိဇံခံခြင်းကို ရှာဖွေရန် မတိုက်တွန်းခဲ့ပေ။ ယုံကြည်သူများ သည်သန့်ရှင်းသောဝိညာဉ်တော်အားဖြင့် ဗတ္တိဇံခံခဲ့သည်ဟု ညွှန်ပြထားသည်။ တတိယအနေဖြင့်၊ ဧဖက် ၄း၅ သည် သန့်ရှင်းသောဝိညာဉ်တော်ဗတ္တိဇံခံခြင်းကို ဖော်ပြလိုခြင်းဖြစ်နိုင်သည်။ ဘာပဲဖြစ်ဖြစ် သန့်ရှင်းသောဝိညာဉ်တော်ဗတ္တိဇံခံခြင်းသည် ယုံကြည်သူများ “ယုံကြည်ခြင်းတစ်ခု” နှင့် “ခမည်းတော်တစ် ပါး” အဖြစ်ဗတ္တိဇံခံခြင်းဖြစ်သည်။

နိဂုံးအနေဖြင့်၊ သန့်ရှင်းသောဝိညာဉ်တော်၏ဗတ္တိဇံခံယူခြင်းသည် အချက်နှစ်ခုကို လုပ်ဆောင်ပေးသည်။ ၁) ၄င်းက ခရစ်တော်၏ခန္ဓာကိုယ်ထဲသို့ တလုံးတဝတည်းရှိစေသည်။ ၂) ခရစ်တော်နှင့်အတူအသေခံခြင်းကို ထင်ရှားစေခြင်းဖြစ်သည်။ ခရစ်တော်၏ခန္ဓာကိုယ်ဖြစ်ခြင်းအဓိပ္ပါယ်သည် ကျွနု်ပ်တို့သည် အသက်သောဘဝ ဖြင့် သူနှင့်အတူထမြောက်ခြင်း ဖြစ်သည် (ရောမ ၆း၄)။ ကျွနု်ပ်တို့သည် ကောရိ န္တုသြဝါဒစာပဌမစောင် ၁၂း ၁၃ ထဲတွင် ဖော်ပြထားသည့်အတိုင်း ခန္ဓာကိုယ်တစ်ခု၏လုပ်ဆောင်ခြင်းကဲ့သို့ တင့်လျာ်စွာလုပ်ဆောင် ရမည်ဖြစ်သည်။ ဧဖက် ၄း၅ ထဲတွင် ဖော်ပြထားသည့်အတိုင်း၊ သန့်ရှင်းသောဝိညာဉ်တော်တစ်ခုအားဖြင့် ဗတ္တိဇံခံယူခြင်းသည် အသင်းတော်၏စည်းလုံးမှုကို အဓိကထား၍ အမှုတော်ထမ်းဆောင်ကြရန် ဖော်ပြလို ခြင်းဖြစ်သည်။ သန့်ရှင်းသောဝိညာဉ်တော်အားဖြင့် ခရစ်တော်၏အသေခံခြင်း၊ သဂြိဟ်ခြင်းနှင့် ရှင်ပြန်ထ မြောက်ခြင်းအားဖြင့် သူနှင့်အတူ တလုံးတဝဖြစ်ခြင်းသည် အပြစ်တရားနှင့်ကင်းကွာခြင်းနှင့် အသစ်သော ဘဝဖြင့် လျှောက်လှမ်းခြင်းကို တည်ထောင်ပေးသည် (ရောမ ၆း၁-၁၀၊ ကောလောသဲ ၂း၁၂)။

သန့်ရှင်းသောဝိညာဉ်တော်ကို ဆန့်ကျင်ရှုတ်ချခြင်းသည် အဘယ်နည်း။

မေးခွန်း - သန့်ရှင်းသောဝိညာဉ်တော်ကို ဆန့်ကျင်ရှုတ်ချခြင်းသည် အဘယ်နည်း။

အဖြေ - န့်ရှင်းသောဝိညာဉ်တော်ကို ဆန့်ကျင်ပြစ်တင်ရှုတ်ချခြင်း” ခံယူချက်ကို မာကု ၃း၂၂-၃၀ နှင့် မဿဲ ၁၂း၂၂-၃၂ ထဲတွင် ဖော်ပြထားပါသည်။ ပြစ်တင်ရှုတ်ချခြင်းကို “မရိုအသေပြု အာခံတုံ့ပြန်ခြင်း” ဟု ဖော်ပြနိုင်ပါသည်။ ဘုရားသခင် (သို့) ဘုရားသခင်နှင့်ပတ်သက်သောအရာများကို ကျိန်ဆိုခြင်း အပြစ်များ အပြစ်ဖော်ပြနိုင်ပါသည်။ ၄င်းသည် ဘုရားသခင်အပေါ် အပြစ်အချို့ပြုခြင်း၊ ဘုရားသခင်၏ဂုဏ်သက္ခာများ ကို စော်ကားမော်ကားပြုခြင်းဖြစ်သည်။ ရှင်မဿဲခရစ်ဝင် ၁၂း၃၁ထဲတွင် ပြစ်တင်ဝေဖန်ခြင်းသည် “သန့်ရှင်းသောဝိညာဉ်တော်ကို ပြစ်တင်ဝေဖန်ခြင်း”ဖြစ်ကြောင်းအတိအကျဖော်ပြထားပါသည်။ ရှင်မဿဲ ခရစ်ဝင် ၁၂း၃၁-၃၂ ထဲတွင် ဖါရိရှဲများက သန့်ရှင်းသောဝိညာဉ်တော်၏တန်ခိုးတော်အားဖြင့်ပြုခဲ့သော အံ့ သြဖွယ်ရာနိမိတ်လက္ခဏာများကို ယုံကြည်ဖွယ်မရှိကြောင်းဖော်ပြထားပါသည်။ သခင်ယေရှုသည် “ဗေဇဗုလ” ခေါ် နတ်ဆိုးစွဲသောသူဖြစ်ကြောင်း ပြစ်တင်ဝေဖန်ခဲ့ကြသည် (မဿဲ ၁၂း၂၄)။ ထိုကြောင့် သ ခင်ယေရှုက မာကု ၃း၃၀ ထဲတွင် သူတို့ကို “သန့်ရှင်းသောဝိညာဉ်တော် ပြစ်တင်ဝေဖန်သောသူများ”ဖြစ် ကြကြောင်း ကွက်ကွက်ကွင်းကွင်း ဖော်ပြထားပါသည်။

ဤကဲ့သို့သောပြစ်တင်ဝေဖန်မှုမျိုးသည် သခင်ယေရှုခရစ်တော်သည် သန့်ရှင်းသောဝိညာဉ်တော်နှင့်ပြည့်ဝ သည် ဟု ဖော်ပြမည့်အစား၊ သူသည် နတ်ဆိုးစွဲသူအဖြစ် ပြစ်တင်ဝေဖန်ခြင်းမျိုးဖြစ်သည်။ ယနေ့သန့်ရှင်း သောဝိညာဉ်တော်ကို ပြစ်တင်ဝေဖန်ခြင်းသည် ခွင့်လွှတ်၍မရပေ။ သခင်ယေရှုခရစ်တော်သည် ဤလောက ၌ မရှိတော့ပေ။ သူသည် ဘုရားသခင်၏လကျ်ာဘက်မှာ ထိုင်ခဲ့သည်။ သခင်ယေရှုပြုသောအ့ံသြဘွယ် နိ မိတ်လက္ခဏာများကို မည်သူမည်ဝါကမှ မပြုနိုင်ပေ။ သူသည် သန့်ရှင်းသောဝိညာဉ်တော်အားဖြင့် လုပ် ဆောင်သည်ဟု ပြောမည့်အစား စာတန်၏တန်ခိုးကို အသုံးပြု၍အံ့သြဘွယ်နိမိတ်လက္ခဏာပြုသည်ဟု မစွပ် စွဲနိုင်ပေ။ ယနေ့အနီးစပ်ဆုံးသော သာဓကသည် ကယ်တင်ခြင်းရရှိသော လူတစ်ဦးသည် သန့်ရှင်းသော ၀ိညာဉ်တော်ကျိန်းဝပ်ခြင်းအဖြင့် ဖြစ်သည်ဟုပြောမည့်အစား၊ စာတန်၏တန်ခိုးကြောင့်ဖြစ်သည်ဟု ယူဆ ခြင်းသည် သန့်ရှင်းသောဝိညာဉ်တော်ကို စော်ကားခြင်းဖြစ်သည်။

ယနေ့ သန့်ရှင်းသောဝိညာဉ်တော် ပြစ်တင်ဝေဖန်ခြင်း၊ ၄ငး်သည် ခွင့်လွှတ်၍မရသောအပြစ်၊ သည် သခင် ယေရှုကို မယုံကြည်သောအပြစ်ဖြစ်သည်။ သခင်ယေရှုကို မယုံကြည်ဘဲ သေသောသူများကို ခွင့်လွှတ်၍မ ရပေ။ သခင်ယေရှုခရစ်တော်ကို ယုံကြည်လက်ခံရန် သန့်ရှင်းသောဝိညာဉ်တော်အမှုပြုခြင်းကို ငြင်းပယ် သောသူတို့သည် သန့်ရှင်းသောဝိညာဉ်တော်ကို ဆန့်ကျင်ပြစ်တင်သော၊ခွင့်လွှတ်၍မရနိုင်သော အပြစ် ဖြစ်သည်။ ရှင်ယောဟန်ခရစ်ဝင် ၃း၁၆၌ဖော်ပြထားသော အကြောင်းအရာကို သတိရပါ။ “ဘုရားသခင်၏ သားတော်ကို ယုံကြည်သောသူအပေါင်းတို့သည် ပျက်စီးခြင်းသို့မရောက်၊ ထာဝရအသက်ကို ရစေခြင်းငှါ၊ ဘုရားသခင်သည် မိမိ၌တပါးတည်းသောသားတော်ကို စွန့်တော်မူသည့်တိုင်အောင် လောကီသားတို့ကို ချစ်တော်မူ၏။” ထပ်မံ၍ အခန်းကြီး ၃ ထဲတွင် ဤသို့ဖော်ပြထားသည်။ “သားတော်ကို ယုံကြည်သောသူ သည် ထာဝရအသက်ကိုရ၏။ သားတော်ကို ပယ်သောသူမူကား၊ အသက်ကို မတွေ့ရ။ ထိုသူ၏အပေါ်၌ ဘုရားသခင်၏ အမျက်တော်တည်နေသည်ဟု ယောဟန်ဟောလေ၏” (ယောဟန် ၃း၃၆)။ လူတစ်ဦးသည် ခွင့်လွှတ်ခြင်းအခွင့်မရခြင်းအကြောင်းမှာ သူသည် “သားတော်ကို ငြင်းပယ်”ခဲ့သဖြင့် သူသည် “ခရစ်တော် ကိုယုံကြည်သောသူများ” ကြားထဲတွင် ပါဝင်မှုမရှိခြင်းကြောင့်ဖြစ်သည်။

ကျွနု်ပ်သည် သန့်ရှင်းသောဝိညာဉ်တော်နှင့် မည်သို့ပြည့်ဝနိုင်မည်နည်း။

မေးခွန်း -  ကျွနု်ပ်သည် သန့်ရှင်းသောဝိညာဉ်တော်နှင့် မည်သို့ပြည့်ဝနိုင်မည်နည်း။

အ‌ဖြေ - သန့်ရှင်းသောဝိညာဉ်တော်နှင့်ပြည့်ဝခြင်းအကြောင်းကို သိရှိနားလည်နိုင်ရန် အဓိကဖော်ပြပေး ထားသောကျမ်းပိုဒ်သည် ယောဟတ် ၁၄း၁၆ ဖြစ်သည်။ ၄င်းကျမ်းပိုဒ်ထဲတွင် သခင်ယေရှုက ယုံကြည်သူ များထဲတွင် သန့်ရှင်းသောဝိညာဉ်တော်ကျိန်းဝပ်၍ ထိုကျိန်းဝပ်ခြင်းသည် ထာဝရဖြစ်ကြောင်း ဂတိပေး ထားပါသည်။ သန့်ရှင်းသောဝိညာဉ်တော်ပြည့်ဝခြင်းနှင့် သန့်ရှင်းသောဝိညာဉ်တော် ကျိန်းဝပ်ခြင်းများကို ကောင်း မွန်စွာပိုင်းခြင်းတတ်ခြင်းသည် အရေးကြီးသည်။ သန့်ရှင်းသောဝိညာဉ်တော်အစဉ်အမြဲကျိန်း ဝပ်ခြင်းသည် ရွေးကောက်ခြင်းခံရသောယုံကြည်သူအနည်းငယ်အတွက်သာမဟုတ်ပေ။ သို့သော် ယုံကြည် သူအားလုံးအတွက်ဖြစ်ပါသည်။ ဤအကြောင်းအရာနှင့်ပတ်သက်၍ သမ္မာကျမ်းစာထဲတွင် ဖော်ပြချက်သက် သေများစွာရှိသည်။ ပထမအနေဖြင့်၊ ခရစ်တော်ထဲ၌ရှိသောယုံကြည်သူအားလုံးအတွက် သန့်ရှင်းသောဝိ ညာဉ်တော်ပေးအပ်ခဲ့သည်။ လူပုဂ္ဂိုလ်ရွေးချယ်၍ပေးအပ်ခြင်းမဟုတ်ပေ။ ဤဆုသည် ခရစ်တော်ထဲတွင်မရှိ သောသူများ ထံပေးအပ်သောဆုကျေးဇူးမဟုတ်ပေ (ယောဟန် ရး၃၇-၃၉)။ ဒုတိယအနေဖြင့်၊ ကယ်တင် ခြင်းရရှိသည်နှင့် တပြိုင်တည်း သန့်ရှင်းသောဝိညာဉ်တော်ကို ရရှိသည် (ဧဖက် ၁း၁၃)။ ဂလာတိ ၃း၂ထဲ တွင် ထိုအကြောင်းအရာကို ဖော်ပြထားပါသည်။ သန့်ရှင်းသောဝိညာဉ်တော်၏တံဆိပ်ခတ်ခြင်းနှင့် ကျိန်းဝပ် ခြင်းတို့သည် ယုံကြည်သည့်အချိန်တွင်ဖြစ်ပျက်ခဲ့သည်ဟု ဖော်ပြထားပါသည်။ တတိယအနေဖြင့်၊ ယုံကြည် သူများထဲတွင် သန့်ရှင်းသောဝိညာဉ်တော်သည် အစဉ်ကျိန်းဝပ်လျက်ရှိသည်။ ခရစ်တော်အားဖြင့်ယုံကြည် သူများသည် ဘုန်းတော်ဝင်စားခြင်းဖြစ်ကြောင့် စေ့စပ်သေချာစွာသိရှိနိုင်ရန်အတွက် သန့်ရှင်းသော ၀ိညာဉ်တော်ကို ပေးအပ်ခဲ့ခြင်းဖြစ်သည် (၂ကော ၁း၂၂၊ ဧဖက် ၄း၃၀)။

သန့်ရှင်းသောဝိညာဉ်တော်ကျိန်းဝပ်ခြင်းသည် ဧဖက် ၅း၁၈ထဲတွင် ဖော်ပြထားသော သန့်ရှင်းသောဝိညာဉ် တော်ပြည့်ဝခြင်းနှင့်ဆန့်ကျင်ဘက်ဖြစ်သည်။ သန့်ရှင်းသောဝိညာဉ်တော်ကကျွနု်ပ်တို့ကိုပြည့်စုံစွာ ပိုင်ဆိုင် နိုင်ရန်နှင့် ပြည့်ဝနိုင်ရန်အတွက် ကျွနု်ပ်တို့သည် သန့်ရှင်းသောဝိညာဉ်တော်ထံသို့ လုံးဝဆက်ကပ်ရမည် ဖြစ်သည်။ ရောမ ၈း၉နှင့် ဧဖက် ၁း၁၃-၁၄ တို့တွင် ယုံကြည်သူအယောက်စီတိုင်းများထဲတွင် သန့်ရှင်း သောဝိညာဉ်တော်ကျိန်းဝပ်ကြောင်း ဖော်ပြထားပါသည်။ သို့သော်သူသည် ဝမ်းနည်းနိုင်သည် (ဧဖက် ၄း၃၀)။ သူ၏လှုပ်ရှား မှုသည်လျော့နည်းနိုင်သည် (၁သက် ၅း၁၉)။ ကျွနု်ပ်တို့သည် သန့်ရှင်းသောဝိညာဉ် တော်ကိုဝမ်းနည်းစေ၍ သူ၏လှုပ်ရှားမှုလျော့နည်းစေသောအခါ ကျွနု်ပ်တို့သည် သန့်ရှင်းသောဝိညာဉ် တော်၏အမှုပြုခြင်းနှင့် သူ၏ တန်ခိုးတော်အားဖြင့်အလုပ်လုပ်ခြင်းကို ပြည့်စုံစွာခံစားနိုင်ကြမည်မဟုတ်ပေ။ သန့်ရှင်းသောဝိညာဉ်တော်နှင့်ပြည့်ဝခြင်းသည် ကျွနု်ပ်တို့၏အသက်တာတစ်ခုလုံးသူအုပ်ချုပ်ခြင်း၊ လမ်းပြ ခြင်းနှင့်ဦးဆောင်ခြင်းတို့ကို ဆိုလိုသည်။ ထိုနောက်သန့်ရှင်းသောဝိညာဉ်တော်၏တန်ခိုးတော်သည် ကျွနု်ပ် တို့အားဖြင့် အရှိန်မြင့်မား လာကာ ကျွနု်ပ်တို့လုပ်ဆောင်သမျှသောအရာများသည် ဘုရားသခင်အတွက် အသီးအပွင့်များကိုဖြစ်ထွန်း စေနိုင်မည်ဖြစ်သည်။ သန့်ရှင်းသောဝိညာဉ်တော်နှင့်ပြည့်ဝခြင်းသည် အပြင်ပန်းသဏာ္ဌန်အားဖြင့် ထင်ရှားမည်မဟုတ်ပေ။ ကျွနု်ပ်တို့၏ အနက်ရှိုင်းဆုံးသောအတွေးအခေါ်များနှင့် ကျွနု်ပ်တို့၏လှုပ်ရှားအသက်ရှင် ခြင်းအားဖြင့်ထင်ရှားမည်ဖြစ်သည်။ ဆာလံ ၁၉း၁၄ ထဲတွင် “အကျွနု်ပ်ပြော သောစကားနှင့် စိတ်နှလုံး၏အ ကြံအစည်သည် ရှေ့တော်၌နှစ်သက်ဘွယ်ဖြစ်ပါစေသော။ အိုထာဝရဘုရား၊ အကျွနု်ပ်၏ကျောက်၊ အကျွနု်ပ် ကို ရွေးနှုတ်တော်မူသောဘုရား” ဟုဖော်ပြထားပါသည်။

အပြစ်တရားသည် သန့်ရှင်းသောဝိညာဉ်တော်နှင့်ပြည့်ဝရန်ပိတ်ပင်ဆီးတားသောအရာတစ်ခုဖြစ်သည်။ ဘုရားသခင်ကို နာခံခြင်းသည် သန့်ရှင်းသောဝိညာဉ်တော်နှင့်ပြည့်ဝခြင်းကို ထင်ရှားစေသည်။ ဧဖက် ၅း၁၈ ထဲတွင် ယုံကြည်သူများသန့်ရှင်းသောဝိညာဉ်တော်နှင့်ပြည့်ဝရန် တိုက်တွန်းထားပါသည်။ သို့သော်၊ သန့် ရှင်းသောဝိညာဉ်တော်နှင့်ပြည့်ဝခြင်းသည် ဆုတောင်းခြင်းကြောင့် အပြည့်စုံနိုင်ပေ။ ဘုရားသခင်မိန့်တော် မူသောစကားများကို နာခံခြင်းရှိမှသာ သန့်ရှင်းသောဝိညာဉ်တော်သည် ကျွနု်ပ်တို့အထဲတွင် လွတ်လပ်စွာ လှုပ်ရှားနိုင်မည်ဖြစ်သည်။ အဘယ်ကြောင့်ဆိုသော်ကျွနု်ပ်တို့သည် အပြစ်တရား၏ကူးစက်ခြင်းကို ခံရသော သူများဖြစ်ကြသည်။ သန့်ရှင်းသောဝိညာဉ်တော်နှင့် အမြဲတမ်းပြည့်ဝနိုင်ရန် မဖြစ်နိုင်ပေ။ ကျွနု်ပ်တို့သည် အပြစ်ပြုမိသောအချိန်တွင် ဘုရားသခင်ထံမိမိအပြစ်များကို ဝန်ချတောင်းပန်ရမည်။ သန့်ရှင်းသောဝိညာဉ် တော်နှင့်ပြည့်ဝနိုင်ရန်နှင့် သန့်ရှင်းသောဝိညာဉ်တော်၏လမ်းပြမှုကို ခံယူနိုင်ရန်အသစ်သော ဆက်ကပ်အပ် နှံခြင်းရှိရမည်ဖြစ်သည်။

ကျွနု်ပ်၏ဝိညာဉ်ဆုကျေးဇူးသည် မည်သည့်ဆုကျေးဇူးဖြစ်သည်ကို မည်သို့သိရှိနိုင်မည် နည်း။

မေးခွန်း -  ကျွနု်ပ်၏ဝိညာဉ်ဆုကျေးဇူးသည် မည်သည့်ဆုကျေးဇူးဖြစ်သည်ကို မည်သို့သိရှိနိုင်မည် နည်း။

အ‌ဖြေ - ကျွနု်ပ်တို့ပိုင်ဆိုင်သောဝိညာဉ်ဆုကျေးဇူးသည် မည်သည့်ဆုကျေးဇူးဖြစ်သည်ကို ဖော်ပြ ပေးနိုင်သော နိယာမမရှိပေ။ သန့်ရှင်းသောဝိညာဉ်တော်က သူဆုံးဖြတ်ချက်အတိုင်း ဆုကျေးဇူးကို ဝေမျှ သည် (၁ကော ၁၂းရ-၁၁)။ ခရစ်ယာန်များအတွက် သာမန်ပြသနာသည် ၀ိညာဉ်ဆုကျေးဇူးရရှိသည်ဟု ကျွနု်ပ်တို့ထင်မြင်ယူသောအားဖြင့်သာ ဘုရားသခင်ကို အစေခံရန်သာ ရည်ရွယ်ချက်ထားရှိကာ ဆန္ဒရှိခြင်း ဖြစ်သည်။ ထိုသို့ဖြစ်ခြင်းသည် သန့်ရှင်းသောဝိညာဉ်တော်ဆုကျေးဇူး၏လုပ်ဆောင်ချက်မဟုတ်ပေ။ ဘုရား သခင်က ကျွနု်ပ်တို့အား အရာခပ်သိမ်းတို့ဖြင့် နာခံစွာအစေခံရန် ကျွနု်ပ်တို့ကို ခေါ်ဖိတ်ထားပါသည်။ ဘုရားသခင်က သူပေးထားသောလုပ်ငန်းများအကောင်အထည်ဖော်ပြီးပြည့်စုံနိုင်ရန်အတွက် ၀ိညာဉ်ဆု ကျေးဇူးတစ်ခု (သို့) ၀ိညာဉ်ဆုကျေးဇူးများကို ပေးအပ်ခြင်းဖြစ်သည်။

ကျွနု်ပ်တို့သည် ကျွနု်ပ်တို့ပိုင်ဆိုင်သောဆုကျေးဇူးများသည် မည်သို့သောအရာဖြစ်သည်ကို နည်းလမ်းမျိုး စုံဖြင့်သိရှိနိုင်သည်။ ၀ိညာဉ်ဆုကျေးဇူးဆန်းစစ်ခြင်း(သို့) အသေးစိတ်ဖော်ပြခြင်း၊ သို့သော်ထိုဝိညာဉ်ဆု ကျေးဇူးပေါ်တွင် မှီခိုအားထားမှုမရှိခြင်းက ကျွနု်ပ်တို့၏ဝိညာဉ်ဆုကျေးဇူးသည် မည်သည့်နေရာမှလာသည် ကို သိရှိရန် ကူညီပါလိမ့်မည်။ အခြားသောသူများ၏အသိအမှတ်ပြုခြင်းအားဖြင့်ကျွနု်ပ်တို့၏ဝိညာဉ်ဆုကျေး ဇူးများကို ဖော်ပြပေးပါလိမ့်မည်။ ကျွနု်ပ်တို့ကို မြင်တွေ့သောဘုရားသခင်ကို အစေခံသူများက ကျွနု််ပ် တို့သတိမထားမိခဲ့သော ၀ိညာဉ်ဆုကျေးဇူးများအသိအမှတ်ပြုရန် ကူညီပါလိမ့်မည်။ ဆုတောင်းခြင်းသည် အရေးကြီးသည်။ ကျွနု်ပ်တို့၏ဝိညာဉ်ဆုကျေးဇူးကို အမှန်အကန်သိရှိသောသူသည် ၀ိညာဉ်ဆုကျေး ဇူးပေးပိုင်ရှင်၊ သန့်ရှင်းသောဝိညာဉ်တော်ပင်ဖြစ်သည်။ ကျွနု်ပ်တို့သည် မိမိရရှိသောဝိညာဉ်ဆုကျေးဇူးများ ကို သိပြီး၊ဘုရားသခင်၏ဘုန်းတော်ထင်ရှားဖို့ရန်အတွက် ပို၍အသုံးချနိုင်ရန်အတွက် ဘုရားသခင်ထံဆု တောင်းပါ။

ဟုတ်ပါသည်။ ဘုရားသခင်သည်အချို့သောသူများကို သွန်သင်ဆရာအဖြစ် ခေါ်၍၊ သူတို့ကို သွန်သင်ခြင်း နှင့်ပတ်သက်သောဆုကျေးဇူးကို ပေးအပ်ခဲ့သည်။ ဘုရားသခင်ကအချို့သောသူများကို စေခံဖြစ်ရန်ခေါ်၍၊ သူတို့ကို ကူညီသောဆုကျေးဇူးကို ပေးအပ်ခဲ့သည်။ သို့သော်၊ ကျွနု်ပ်တို့သည် မိမိရရှိသောဝိညာဉ် ဆုကျေးဇူးကို တိကျစွာသိရှိသော်လည်း ထိုဝိညာဉ်ဆုကျေးဇူးအပြင်အခြားသောနည်းလမ်းအားဖြင့် ဘုရား သခင်ကို အစေမခံနိုင်ဟု အဆိုလိုပေ။ ဘုရားသခင်ပေးထားသောဝိညာဉ်ဆုကျေးဇူး(သို့) ဆုကျေးဇူးများ သိရှိခြင်းသည် အကျိုးရှိသလား။ အကျိုးရှိပါသည်။ ကျွနု်ပ်တို့သည် မိမိရရှိသောဝိညာဉ်ဆုကျေးဇူးအားဖြင့် သာဘုရားသခင်ကို အစေခံ၍ အခြားသောနည်းလမ်းအားဖြင့်စေမခံခြင်းသည် မှားယွင်းမှုရှိသလား။ ရှိပါ သည်။ ကျွနု်ပ်တို့သည် ဘုရားသခင်ကို အစေခံရန် မိမိအသက်တာဆက်ကပ်အပ်နှံမှုရှိလျှင် ဘုရားသခင်က ကျွနု်ပ်တို့လိုအပ်သောဆုကျေးဇူးများကို ပြင်ဆင်ပေးမည်ဖြစ်သည်။

သန့်ရှင်းသောဝိညာဉ်တော်၏အံ့သြဘွယ်နိမိတ်လက္ခဏာပြုနိုင်သော ဆုကျေးဇူးများ သည် ယနေ့အတွက် ဖြစ်သလား။

မေးခွန်း - သန့်ရှင်းသောဝိညာဉ်တော်၏အံ့သြဘွယ်နိမိတ်လက္ခဏာပြုနိုင်သော ဆုကျေးဇူးများ သည် ယနေ့အတွက် ဖြစ်သလား။

အဖြေ - ထမအနေဖြင့်၊ ဘုရားသခင်သည် ယနေ့အ့ံသြဘွယ်ရာနိမိတ်လက္ခဏာများ ပြုသေးသလား ဟုမေးမြန်းသော မေးခွန်းမဟုတ်သည်ကို အသိအမှတ်ပြုရန် အရေးကြီးသည်။ ယနေ့ ဘုရားသခင်သည် လူတွေကို ကျန်းမာခြင်းအခွင့်မပေးခြင်း၊ လူတွေကို စကားမပြောခြင်း၊ နှင့် အ့ံသြဘွယ်ကောင်းသောနိမိတ် လက္ခဏာများမပြုခြင်းဟု ကြွေးကြော်ခြင်းသည် သမ္မာကျမ်းစာသွန်သင်ခြင်းနှင့် ညီညွတ်မှုမရှိ၊ မိုက်မဲသော တွေးခေါ်ခြင်းသာဖြစ်သည်။ မေးခွန်းသည် ၁ကော ၁၂-၁၄ ထဲတွင် ဖော်ပြထားခဲ့သည့်အတိုင်း၊ သန့်ရှင်းသောဝိညာဉ်တော်၏အံ့သြဘွယ်ပြုနိုင်သောနိမိတ်လက္ခဏာသည် ယနေ့ယုံကြည်သောသူများ တွင် တည်ရှိနေသလား ဖြစ်သည်။ မေးခွန်းသည် သန့်ရှင်းသောဝိညာဉ်တော်သည် ယနေ့ အ့ံသြဘွယ် ကောင်းသောနိမိတ်လက္ခဏာဆုကျေးဇူးများ ဝေသေးပါသလား ဖြစ်သည်။ ထို့ပြင်၊ သန့်ရှင်းသောဝိညာဉ် တော်သည် မိမိဆန္ဒအတိုင်း ၀ိညာဉ်ဆုကျေးဇူးများကို ပေးဝေနေသည်ဟု ကျွနု်ပ်တို့အသိအမှတ်ပြုနိုင်သည် (၁ကော ၁၂းရ-၁၁)။

တမန်တော်ဝတ္ထုနှင့် အခြားသောပေးစာစောင်များထဲတွင် တမန်တော်များနှင့် သူတို့၏ရင်းနှီးသော အပေါင်း အဖော်များက အ့ံသြဘွယ်ကောင်းသောနိမိတ်လက္ခဏာများပြုခဲ့သည်ကို တွေ့ရှိနိုင်သည်။ ထိုနိမိတ်လက္ခ ဏာပြုခြင်း၏ရည်ရွယ်ချက်ကို ရှင်ပေါလုက ဖော်ပြထားပါသည်။ “အကယ်စင်စစ် သည်းခံခြင်းနှင့်တကွ နိ မိတ်လက္ခဏာအံ့ဘွယ်သောအမှု၊ ထူးဆန်းသောတန်ခိုးများအားဖြင့် တမန်တော်၏လက္ခဏာတို့ကို သင်တို့တွင် ထင်ရှားစွာပြပြီ” (၂ကော ၁၂း၁၂)။ ခရစ်တော်ထဲ၌ယုံကြည်သောသူတို့သည် အံ့သြဘွယ်နိ မိတ်လက္ခဏာများပြုနိုင်လျှင် အံ့သြဘွယ်နိမိတ်လက္ခဏာများသည် တမန်တော်များ၏ အမှတ်အသားဖြစ် မည်မဟုတ်တော့ပေ။ တမန်တော်ဝတ္ထု ၂း၂၂ ထဲတွင် သခင်ယေရှုက“အံ့သြဘွယ်နိမိတ်လက္ခဏာ ပြုသောသူအဖြစ် “အသိအမှတ်” ပြုခဲ့သည်။ ထိုနည်းတူ၊ တမန်တော်များသည် သူတို့ပြုသောနိမိတ်လက္ခ ဏာအားဖြင့် သူတို့သည် ဘုရားသခင်ထံမှလာသော သတင်းကောင်းယူဆောင်လာသူများဖြစ်ကြောင်း “အ သိအမှတ်”ပြုခြင်းခံခဲ့ကြသည်။ တမန်တော်ဝတ္ထု ၁၄း၃ က ပေါလုနှင့်ဗာနဗတို့ပြုခဲ့သောအ့ံသြဘွယ်ကောင်း သောနိမိတ်လက္ခဏာက သူတို့ဟောပြောသော သတင်းကောင်းသည် “မှန်ကန်ကြောင်းအသိအမှတ်”ပြုခဲ့ ကြောင်း ဖော်ပြထားပါသည်။

ကောရိ န္တုသြဝါဒစာ ပဌမစောင် အခန်းကြီး ၁၂-၁၄သည် သန့်ရှင်းသောဝိညာဉ်တော်ဆုကျေးဇူးအကြောင်း များကို ဖော်ပြထားပါသည်။ တခါတရံ“သာမန်”ခရစ်ယာန်များအပေါ် အံ့သြဘွယ်ကောင်းသောနိမိတ်လ က္ခဏာပြုနိုင် သောဆုကျေးဇူးပေးအပ်ထားဖွယ်ရှိသည် (၁၂း၈၊ ၂၈-၃၀)။ မည်သို့သောသာမန်ဆုကျေးဇူး ဖြစ်သည်ကို ကျွနု်ပ်တို့မသိရပေ။ အထက်၌ဖော်ပြထားသည့်အတိုင်း၊ တမန်တော်များသည် အံ့သြဘွယ်နိ မိတ်လက္ခဏာများအားဖြင့် “အသိအမှတ်” ပြုခြင်းခံရသည်ဟု ကျွနု်ပ်တို့သိရှိရသည်။ “သာမန်” ခရစ်ယာန်များကို အံ့သြဖွယ်နိမိတ်လက္ခဏာပြုနိုင်သောဆုကျေးဇူးပေးအပ်ခြင်းသည် ခြွင်းချက် ဖြစ်သည်။ စည်းကမ်းချက်မဟုတ်ပေ။ တမန်တော်များနှင့် သူတို့နှင့်ရင်းနှီးသော အပေါင်းအဖော်များကလွှဲ၍ အံ့သြ ဘွယ်ကောင်းသောနိမိတ်လက္ခဏာများပြုနိုင်သောဆုကျေးဇူးပေးအပ်ခြင်းအကြောင်းကို ဓမ္မသစ် ကျမ်းထဲ တွင် ဖော်ပြထားခြင်းမရှိပေ။

ကနဦးယုံကြည်သူများသည် ကျွနု်ပ်တို့ကဲ့သို့ပြည့်စုံသော သမ္မာကျမ်းစာအုပ်မရှိခဲ့သည်ကို သိရှိရန် အလွန်အရေးကြီးသည် (၂တိ ၃း၁၆-၁၇)။ ထိုကြောင့် ပရောက်ဖက်ပြုနိုင်သောဆုကျေးဇူး၊ ဉာဏ်ပညာဆု ကျေးဇူး၊ အတတ်ပညာဆုကျေးဇူး စသည်တို့သည် ဘုရားသခင်က ကနဦးယုံကြည်သူများအပေါ်အမှုပြုနိုင် ရန် မရှိမဖြစ်လိုအပ်ခြင်းဖြစ်သည်။ ပရောဖက်ပြုနိုင်သောဆုကျေးဇူးက ယုံကြည်သူများအား ဘုရားသခင်ထံ မှလာသော အသစ်သော သမ္မတရားနှင့် ဗျာဒိတ်တော်များရရှိနိုင်ရန်အတွက် လုပ်ဆောင်ပေးထားသည်။ ယခုဘုရားခင်ဗျာဒိတ်တော်သည် သမ္မာကျမ်းစာထဲတွင် ပြည့်စုံခဲ့သည်။ ဓမ္မသစ်ကျမ်းစာထဲတွင် နေထိုင်သော သူများအတွက် “ပရောဖက်ပြုခြင်းနှင့်ဆိုင်သော” ဆုကျေးဇူးသည် မလိုအပ်တော့ပေ။

ဘုရားသခင်က လူတွေကို နေ့တိုင်း ကျန်းမာခြင်းအခွင့်ပေးထားပါသည်။ ယနေ့ဘုရားသခင်သည် ကျွနု်ပ်တို့အား အသံအားဖြင့်၄င်း၊ စိတ်ထဲ၌၄င်း၊ ခံစားချက်နှင့်အတွေ့အကြုံအားဖြင့်၄င်း စကားပြောနေ သည်။ ဘုရားသခင်သည် အလွန်တရာ အ့ံသြဘွယ်ကောင်းသောအမှုများ ပြုနေသည်။တခါတရံ ခရစ်ယာန် တစ်ဦးအားဖြင့် ထိုအံ့သြဘွယ်ကောင်းသောနိမိတ်လက္ခဏာများပြုနေသည်။သို့ရာတွင် ဤအရာများသည် သန့်ရှင်းသောဝိညာဉ်တော်၏အံ့သြဘွယ်ကောင်းသော နိမိတ်လက္ခဏာပြုနိုင်သောဆုကျေးဇူးများမဟုတ် ပေ။ အ့ံသြဘွယ်နိမိတ်လက္ခဏာပြုနိုင်သောဆုကျေးဇူးများ၏အခြေခံကျသောရည်ရွယ်ချက်သည် သတင်း ကောင်းနှင့် တမန်တော်များသည် ဘုရားသခင်ထံမှလာသော သတင်းကောင်းယူဆောင်သူများဖြစ်သည်ကို သက်သေပြသရန်အတွက်ဖြစ်သည်။ သမ္မာကျမ်းစာက အ့ံသြဘွယ်နိမိတ်လက္ခဏာပြုနိုင်သောဆုကျေးဇူး များသည် အဆုံးသတ်သွားခဲ့သည်ဟု တိုက်ရိုက်မဖော်ပြခဲ့ပေ။ သို့သော် ဓမ္မသစ်ကျမ်းထဲတွင် အဘယ် ကြောင့်ဤအံ့သြဘွယ်ကောင်းသောနိမိတ်လက္ခဏာများပြုနိုင်သောဆုကျေးဇူးများ မလိုအပ်တော့သည့်အ ကြောင်းအရာအတွက် အခြေခံအုတ်မြစ်ကို ချပေးထားပါသည်။

အခြားသောဘာသာစကားပြောဆိုခြင်း ဆုကျေးဇူးသည် အဘယ်နည်း။

မေးခွန်း - အခြားသောဘာသာစကားပြောဆိုခြင်း ဆုကျေးဇူးသည် အဘယ်နည်း။

အဖြေ - ခြားသောဘာသာစကားပြောဆိုခြင်းသည် တမန်တော်ဝတ္ထု၊ ၂း၁-၄၊ ပင်တေဂု တ္တေနေ့တွင် စတင်ပေါ်ပေါက်ခဲ့သည်။ တမန်တော်များသည်သွား၍ မိိမိဘာသာစကားကို အသုံးပြု၍ လူများအားတရားဒေသနာဝေငှခဲ့ပါသည်။ “ငါတို့အမျိုးဘာသာစကားအားဖြင့် ဟောပြောသည်ကို ကြားရပါသည်တကားဟု အချင်းချင်း ပြောဆိုကြ၏” (တမန်၊ ၂း၁၁)။ ဂရိဘာသာစကားဖြစ်သော ဘာသာစကားကို ဘာသာပြန်ဆိုလျှင် “အခြားသောဘာသာစကား” ဟုဘာသာပြန်ဆိုရပေမည်။ ထို့ကြောင့် အခြားသောဘာသာစကားပြောဆိုခြင်းသည် အခြားသော လူမျိုးများ၏စကားကို အသုံးပြု၍ ထိုသူတို့ထံဘုရားသခင်၏အကြောင်းကို ဝေငှသက်သေခံခြင်း ဖြစ်သည်။ ၁ကော၊ ၁၂-၁၄ ထဲတွင် ရှင်ပေါလုက ဆုကျေးဇူး အကြောင်းများကို ဖော်ပြထားပါ သည်။ “ ညီအစ်ကိုတို့၊ ငါသည် သင်တို့ရှိရာသို့လာ၍၊အခြားသောဘာသာစကားဖြင့်ဟောပြော သော်လည်း၊ ဗျာဒိတ်တော်ကိုပြန်ခြင်း၊ ပညာအတတ်ကိုသင်ခြင်း၊ ပရောဖက်ပြုခြင်း၊ ဆုံးမသြဝါဒ ပေးခြင်း တခုခုမပြုဘဲလျှက်၊ သင်တို့အားပြောလျှင် အဘယ်အကျိုးရှိအံ့နည်း” (၁ကော၊ ၁၄း၆) ရှင်ပေါလုဖော်ပြချက်အရ၎င်း၊ တမန်တော်ဝတ္တုထဲ၌ဖော်ပြချက်အရ အခြားသောဘာသာ စကား ပြောသောအခါ နားထောင်သောသူများက ဘုရားသခင်၏စကားတော်ကြားရမည်ဖြစ်ပါသည်။ ထို သို့နားထောင်သောသူက နားမလည်လျှင် မိမိပြောဆိုသော စကားကို ဘာသာပြန်ပေးရမည်ဖြစ် သည်။

အခြားသောဘာသာစကားကို အနက်ဖွင့်ခြင်းဆုကျေးဇူးရရှိသောသူ (၁ကော၊ ၁၂း၃၀) သည် အခြားသောဘာသာစကားပြောကြားသောသူ၏စကားကို တခါမျှမကြားဘူးသော်လည်း အနက်ဖွင့်ဆိုတတ်မည်ဖြစ်ပါသည်။ အခြားသောဘာသာစကားကို အနက်ဖွင့်တတ်သောသူက အခြားသောဘာသာစကားပြောသောသူ၏ နှုတ်ကပတ်တော်ဝေငှခြင်းကို အနက်ဖွင့်ပေးရပေမည်။ သို့မှသာ နားထောင်သောသူများက ဟောပြောသောနှုတ်ကပတ်တော်ကိုသိရှိကြမည်ဖြစ်သည်။ “ထို့ကြောင့်အခြားသောဘာသာစကားကိုပြန်ပြောသောသူသည်၊ အနက်ကိုလည်းဖော်ပြနိုင်မည် အကြောင်းဆုတောင်းစေ။ “ (၁ကော၊ ၁၄း၁၃)။ ရှင်ပေါလုက အခြားသောဘာသာစကားပြောဆို ရာတွင် အနက်ဖော်ပြခြင်းမရှိပါက အကျိုးမရှိပေဟု ဤသို့ဖော်ပြထားပါသည်။ “ သို့သော်လည်း အသင်းတော်၌ အခြားသောဘာသာစကားဖြင့် စကားတသောင်းကို ပြောနိုင်သည်ထက်၊ သူတပါးတို့ကိုသွန်သင်ခြင်းငှါ စကားငါးခွန်းကို ဉာဏ်နှင့်ပြောနိုင်သော အခွင့်ကိုသာ၍အလိုရှိ၏။” (၁ကော၊ ၁၄း၁၉)။

အခြားသောဘာသာစကားပြောတတ်သောဆုကျေးဇူးသည် အနေ့အတွက်ဖြစ်သလား။ ၁ကော၊ ၁၃း၈ထဲတွင် ရှင်ပေါလုက အခြားသောဘာသာစကားဆုကျေးဇူးသည် ရပ်တန့်သွားခဲ့ ကြောင်းဖော်ပြထားပါသည်။ ၁ကော၊ ၁၃း၁၀ ၌ဖော်ပြထားသော “ပြီးပြည့်စုံခြင်း” နှင့်အတူ၊ အခြားသော ဘာသာစကားပြောဆိုခြင်းသည်လည်းရပ်တန့်သွားခဲ့ပါသည်။ ဂရိဘာသာစကားအား ဖြင့် ပရောဖက်ပြုခြင်းနှင့် ညာဉ်ပညာဆုကျေးဇူးတို့၏ရပ်တန့်ခြင်းနှင့် အခြားသောဘာသာစကား ၏ရပ်တန့်ခြင်းသည် အနည်းငယ်ကွာဟမှုရှိသည်။ အခြားသောဘာသာစကားသည် “ပြီးပြည့်စုံ” သောအချိန်မရောက်မီ ရပ်တန့်သွားခြင်းဖြစ်ပါသည်။ သို့သော်ဤကျမ်းပိုဒ်ထဲတွင် အခြားသောဘာ သာစကားသည် ရပ်တန့်သွားခဲ့သည် ဟု ကွက်ကွက်ကွင်းကွင်း ဖော်ပြထားခြင်းမရှိပေ။ အချို့သော ကျမ်းပိုဒ်များဖြစ်သော ဟေရှာ၊ ၂၈း၁၁ နှင့် ယောလ၊ ၂း၂၈-၂၉ တို့တွင် အခြားသောဘာသာ စကားသည် ဘုရားသခင်၏တရားစီရင်မည့်နိမိတ်လက္ခဏာ ဖြစ်သည်ဟု ဖော်ပြထားပါသည်။ ၁ကော၊ ၁၄း၂၂ ထဲတွင် အခြားသောဘာသာစကားသည် “မယုံကြည်သူများအတွက် အံ့သြဘွယ် နိမိတ်လက္ခဏာဖြစ်သည် ဟုဖော်ပြထားပါသည်။ ဣသရေလလူမျိုးတို့သည် သခင်ယေရှုကို မေရှ ယအဖြစ်လက်ခံခြင်းမရှိလျှင် တရားစီရင်မည်ဟု ဂျူးလူမျိုးများကို သတိပြုရန်အတွင် အခြားသော ဘာသာစကားပြောခြင်းဆုကျေးဇူးကို ပေးခဲ့ခြင်းဖြစ်သည်။ ထို့ကြောင့်ဘုရားသခင်က ဣသရေလ လူမျိုးများကို အပြစ်ဒဏ်ပေးသည့်အချိန်တွင် (A.D.70 တွင် ယေရုရှလင်မြို့ကို ရောမများက ဖျက်ဆီးခဲ့သည်) အခြားသောဘာသာစကားပြောဆိုခြင်းဆုကျေးဇူး၏ ပန်းတိုင်ကို ရပ်တန့်သွား ခဲ့ပါသည်။ ၎င်းကြောင့် အခြားသောဘာသာစကားပြောဆိုခြင်းဆုကျေးဇူး၏ ရည်ရွယ်ချက်သည် ပြည့်စုံခဲ့ပြီဖြစ်သောကြောင့် အခြားသောဘာသာစကားပြောဆိုခြင်းသည် ရပ်တန့်သွားခြင်းဖြစ် သည်။ သို့သော်သမ္မာကျမ်းစာထဲတွင် အခြားသောဘာသာစကားပြောဆိုခြင်းသည် ရပ်တန့်သွား ကြောင်းဖော်ပြချက်မရှိပေ။

ထိုုနည်းတူ၊ ယနေ့အသင်းတော်အသီးသီးတွင် အခြားသောဘာသာစကားပြောဆိုခြင်းကို အသုံးပြုလျှင် သမ္မကျမ်းစာ ဖော်ပြထားသည့်အတိုင်း အသုံးပြုရမည်ဖြစ်သည်။ ၎င်းသည် စစ်မှန်၍ နာလည်နိုင်သော စကားဖြစ်ရပေမည် (၁ကော၊ ၁၄း၂၇-၂၈)။ ၁ကော၊ ၁၄း၃၃ ထဲတွင် ဖော်ပြချက် နှင့် ညီညွှတ်ရမည်ဖြစ်သည်။ “ဘုရားသခင်သည် ရုန်းရင်းခတ်သောအမှုပြုတော်မမူ။ သန့်ရှင်း သော သူတို့၏အသင်းတော်အပေါင်းတို့၌ဖြစ်သကဲ့သို့ အသင့်အသင့်ငြီမ်ဝပ်ခြင်းပြုစု တော်မူ၏”

ဘာသာစကားမတူသောသူများထံ ဘုရားသခင်၏စကားတော်ဟောပြောနိုင်ရန်အတွက် ဘုရားသခင်က လူပုဂ္ဂိုလ်တစ်ဦးအား အခြားသောဘာသာစကားပြောဆိုခြင်းဆုကျေးဇူး ပေးအပ် နိုင်ခဲ့သည်။ သန့်ရှင်းသော ၀ိညာဉ်တော်သည် ၀ိညာဉ်ဆိုကျေးဇူးများကို ဝေမျှသောပုဂ္ဂိုလ်ဖြစ်ပါ သည် (၁ကော၊ ၁၂း၁၁)။ သာသနာလုပ်ငန်းလုပ်ဆောင်သူများအတွင် တခြားတိုင်းတပါးသို့ သွား ရောက်အမှုတော်ဆောင်သောအခါ ထိုနေရာဒေသ၏ဘာသာစကားကို တတ်ကျွမ်းရန် ဘယ် လောက် အရေးကြီးသည် ကို စဉ်းစားကြည့်ပါ။ သူသည် ဘာသာစကားသင်ကျောင်းသို့သွား၍ ဘာသာစကားသင်ယူရမည်ဖြစ်သည်။ အခြားသောဘာသာစကားပြောဆိုခြင်းဆုကျေးဇူးသည် အလွန်အရေးကြီးသော်လည်း ဓမ္မသစ်ယုံကြည်သူများ၏လုပ်ဆောင်ချက်အရ၊ အခြားသောဘာသာ စကားပြောဆိုုခြင်းသည် ရပ်တန့်သွားခဲ့သည်။ ယနေ့ အခြားသောဘာသာစကားပြောဆိုခြင်းကို ကျင့်သုံးသော ယုံကြည်သူများသည် အထက်ကဖော်ပြထားသော သမ္မာကျမ်းစာဖော်ပြချက်များနှင့် ညီညွှတ်မှုမရှိပေ။ နိဂုံးချုပ်အနေဖြင့်၊ အခြားသောဘာသာစကားပြောဆိုခြင်းသည် အဆုံးသတ် သွားခဲ့ပြီး၊ အဆုံးမသတ်လျှင်လည်း ယနေ့အသင်းတော်ယုံကြည်သူများအတွက် ဘုရားသခင်၏အ ကြံအစည်သည် အခြားသောဘာသာစကားပြောဆိုခြင်းထက် တခြားအရေးကြီးသောအရာများ စွာ ရှိသည်။

အကျွန်ုပ်၏ဘုရား၊ ရန်သူတို့လက်မှ အကျွန်ုပ် ကို ကယ်နှုတ်တော်မူပါ။ အကျွန်ုပ်ကို ရန်ဘက်ပြုသောသူ တို့၏ အပေါ်မှာ အကျွန်ုပ်ကို ချီးမြှောက်တော်မူပါ။
2 ဒုစရိုက်ကို ပြုသောသူတို့အထဲက အကျွန်ုပ်ကို နှုတ်ယူ၍၊ အသက်ကိုသတ်လိုသော သူတို့လက်မှ ကယ် တင်တော်မူပါ။
3 သူတို့သည် အကျွန်ုပ်အသက်ကို သတ်လို ၍ ချောင်းကြည့်လျက် နေကြပါ၏။ အားကြီးသောသူတို့ သည်အကျွန်ုပ်တဘက်၌ စည်းဝေးကြပါ၏။ အို ထာဝရ ဘုရား၊ အကျွန်ုပ်မှားယွင်း သောကြောင့်မဟုတ်ပါ။ အကျွန်ုပ် အပြစ်ကြောင့်မဟုတ်ပါ။
4 အကျွန်ုပ်၌ အပြစ်မရှိဘဲ သူတို့သည် ပြေးလာ၍ ပြင်ဆင်ကြပါ၏။ အကျွန်ုပ်ကို ကူမခြင်းငှါ နိုးတော်မူပါ။ ကြည့်ရှုတော်မူပါ။
5 ဣသရေလအမျိုး၏ ဘုရားသခင်ထာဝရဘုရား၊ သာသနာပ လူအပေါင်းတို့ကို ဆုံးမခြင်းငှါ နိုးတော်မူပါ။ ဒုစရိုက်၌ ကျင်လည်သောသူ တစုံတယောက်ကိုမျှ သနား တော်မမူပါနှင့်။
6 သူတို့သည် ညဦးယံ၌ ပြန်လာ၍၊ ခွေးဘာသာ အတိုင်း မြည်လျက် မြို့ကိုလှည့်ပတ်ကြပါစေသော။
7 ထိုသူတို့သည် စော်ကားသော စကားကိုပြော၍၊ သူတို့နှုတ်ခမ်း တွင်ထားပါလျက်အဘယ်သူကြားလိမ့် မည်နည်းဟု ဆိုတတ်ကြပါ၏။
8 သို့ရာတွင်၊ အိုထာဝရဘုရား၊ ကိုယ်တော်သည် သူတို့ကို ပြုံးရယ်၍ သာသနာပလူအပေါင်းတို့ကို ကဲ့ရဲ့တော်မူမည်။
9 အို အကျွန်ုပ်အစွမ်းသတ္တိ၊ ကိုယ်တော်ကို မြော်လင့်ပါမည်။ ဘုရားသခင်သည် အကျွန်ုပ် ခိုလှုံရာဖြစ်တော်မူ၏။
10 ကရုဏာအရှင် ဘုရားသခင်သည် အကျွန်ုပ်ကို ကူမခြင်းငှါ ကြွလာတော်မူမည်။ ရန်သူတို့ကို အကျွန်ုပ်ကြည့်ရှု၍ အားရသောအခွင့် ရှိစေတော်မူမည်။
11 အကျွန်ုပ်တို့ကို ကွယ်ကာတော်မူသော ဘုရားရှင်၊ သူတို့ကို သတ်တော်မမူပါနှင့်။ သတ်လျှင် အကျွန်ုပ်၏ လူတို့သည် သတိလစ်ကြပါလိမ့်မည်။ တန်ခိုးတော်အားဖြင့် အရပ်ရပ် ကွဲပြားစေ၍ နှိမ့်ချတော်မူပါ။
12 သူတို့ပြောမိသော စကားတည်းဟူသော သူတို့ နှုတ်၏အပြစ်ကြောင့် မိမိတို့မာနတွင် ကျော့မိပါစေ သော။ သူတို့ ကျိန်ဆဲသော စကားနှင့် မုသာစကားကြောင့်၊
13 အမျက်တော်အားဖြင့် ပျောက်ပျက်စေတော်မူပါ။ အကုန်အစင်ပျောက်ပျက်စေတော်မူပါ။ ဘုရားသခင်သည် ယာကုပ်အမျိုးမှစ၍ မြေကြီးစွန်းတိုင်အောင် အုပ်စိုးတော်မူကြောင်းကို သူတို့သည် သိကြ ပါစေသော။
14 ညဦးယံ၌ ပြန်လာ၍၊ ခွေးဘာသာအတိုင်း မြည်လျက် မြို့ကို လှည့်ပတ်ကြပါစေသော။
15 အစာကို ရှာလျက် အရပ်ရပ်သို့ လည်၍မဝဘဲ တညဉ့်လုံး နေကြပါစေသော။
16 အကျွန်ုပ်မူကား၊ တန်ခိုးတော်ကို သီချင်းဆိုပါမည်။ နံနက်ယံ၌ ကရုဏာတော်ကို ရွှင်လန်းစွာ သီချင်းဆိုပါမည်။ အကြောင်းမူကား၊ ဘေးရောက်သောကာလ၌ ကိုယ်တော်သည် အကျွန်ုပ်ခိုလှုံရာ၊ ဘေးလွတ်ရာ ဖြစ်တော်မူ၏။
17 အိုအကျွန်ုပ်အစွမ်းသတ္တိ၊ ကိုယ်တော်ကို သီချင်းဆိုပါမည်။ ဘုရားသခင်သည် အကျွန်ုပ်ခိုလှုံရာ ဖြစ်တော်မူ၏။ အကျွန်ုပ်၌ ကရုဏာအရှင် ဘုရားသခင်ဖြစ်တော်မူ၏။ ရှောလုစေလွှတ်သော သူတို့သည် ဒါဝိဒ်အသက်ကိုသတ်ခြင်းငှါ၊ အိမ်ကိုစောင့်ကြသောအခါ ဒါဝိဒ်စပ်ဆိုသော

bottom of page