Father’s Day ဖြစ်ပေါ်လာပုံ

နေ့စဥ်နေ့တိုင်း ကျေးဇူးတင်ပါတယ် ဆိုတဲ့စကားကို အကြိမ်ပေါင်းများစွာလူပေါင်းများစွာကိုပြောနေတတ်ပေမယ့် တခါတရံ ကိုယ့်ရဲ့ဘ၀မှာအ‌ရေးကြီးဆုံးကျေးဇူးတင်ရမယ့် သူတစ်ယောက်ကို ကျေးဇူးတင်ပါတယ်လို့ပြောဖို့ မေ့နေတတ်ပါတယ်၊၊
ဒီနေ့မှာတော့ အလုပ်နဲ့ မဆိုင်ပေမယ့် ချစ်ခြင်းမေတ္တာတခုကို အမှတ်တရ အနေဖြင့် အဖေများနေ့ ဖြစ်ပေါ်လာပုံနှင့် ဖခင်များနေ့ကျင်းပပုံကို ဗဟုသုတ မျှဝေချင်ပါတယ်။

​

 ဖခင်များနေ့ ဖြစ်ပေါ်လာပုံ

 

ပထမဆုံးဖခင်များကိုဂုဏ်ပြုတဲ့နေ့ကို ၁၉၀၈ ခုနှစ်ဇူလိုင်လ ၅ရက်နေ့မှာ Grace Golden Claytonဆိုသူက Monongahဗုံးပေါက်ကွဲမှုမှာ သေဆုံးသွားခဲ့တဲ့ ရာပေါင်းများစွာသော ဖခင်တွေအတွက်ရည်ရွယ်ပြီး ကျင်းပခဲ့ပါတယ်၊၊ နှစ်စဥ်နှစ်တိုင်းကျင်းပတဲ့ပွဲ မဟုတ်ခဲ့တာကြောင့် တဖြည်းဖြည်းပျောက်ကွယ်သွားခဲ့ရပြီး ၁၉၁၀ခုနှစ်မှာဇွန်လ၁၀ရက်နေ့မှာ Sonora Smart Dodd ဆိုသူက ဖခင်များနေ့ကို ထပ်မံကျင်းပခဲ့ပါတယ်၊၊ သူမကို မိခင်မရှိဘဲ ဖခင်တစ်ယောက်ထဲကသာ ပြုစုပျိုးထောင်းခဲ့ပါတယ်၊၊ အဲဒီအချိန်က မိခင်များအတွက် ဂုဏ်ပြုသောနေ့သာရှိပြီး       

               ဖခင်များအတွက်ဂုဏ်ပြုတဲ့နေ့မရှိတာကိုသတိပြုမိတဲ့ သူမက ၀ါရှင်တန် ဒီစီအခြေစိုက်အမျိုးသားအ၀တ်အထည်ချုပ်လုပ်သူများအဖွဲ့အစည်းနှင်းပူးပေါင်းကာ ဖခင်များနေ့ကို လူသိများလာရန် စတင်ကြိုးပမ်းခဲ့ပါတယ်၊၊ လူတော်တော်များများကလည်း ဖခင်များနေ့ကိုလက်ခံ ကျင်းပလာခဲ့ပြီး ၁၉၁၆ခုနှစ်မှာ အမေရိကန်သမ္မတ Woodrow Wilsonကိုယ်တိုင် Sonora Smart Dodd တို့ ကျင်းပတဲ့ ဖခင်များနေ့ကို တက်ရောက်ဂုဏ်ပြုခဲ့ပါတယ်၊၊အကြောင်းအမျိုးမျိုးကြောင့် ဖခင်များနေ့ကို တရား၀င်မသတ်မှတ်နိုင်ခဲ့ပေမယ့် ၁၉၆၆ခုနှစ်မှာ သမ္မတLyndon B. Johnsonက ဇွန်လ

တတိယပတ် တနင်္ဂနွေနေ့ကို ဖခင်များနေ့အဖြစ်တရား၀င်သတ်မှတ်ခဲ့ပါတယ်၊၊ ခုချိန်မှာတော့ အမေရိကန်တစ်နိုင်ငံတစ်ခုတည်းသာမကတစ်ကမ္ဘာလုံးထိပြန့်နှံ့ခဲ့ပြီး နိုင်ငံအများစုက နှစ်စဥ်နှစ်တိုင်း ဇွန်လတတိယပတ် တနင်္ဂနွေနေ့မှာ ဖခင်များနေ့ကို ကျင်းပလာကြပါတယ်၊၊ တချို့နိုင်ငံတွေက ဇွန်လအစောပိုင်းနေ့များကိုရွေးချယ်ကာ ကျင်းပတာမျိုးလည်းရှိပါတယ်၊၊

​

 ဖခင်များနေ့  ကျင်

နိုင်ငံအလိုက် ဖခင်များနေ့ကို ကျင်းပကြပုံခြင်းမတူပေမယ့် နိုင်ငံတကာမှာတော့ ဖခင်များနေ့ကို အဖွဲ့အစည်းတွေနှင့် ကျင်းပလေ့ရှိတဲ့သူတွေလဲရှိသလို ကိုယ်ရဲ့မိသားစုအတွင်းမှာဘဲသီးသန့် ဂုဏ်ပြုကျင်းပတဲ့ သူတွေလည်းရှိပါတယ်၊၊ အဖွဲအစည်းတွေနှင့် ကျင်းပတဲ့အခမ်းနားမှာတော့ ဖခင်တွေကိုဖိတ်ကြားပြီး ဖခင်တွေအတွက် ရည်ရွယ်ထားတဲ့ဂုဏ်ပြုကျေးဇူးတင်စကားပြောခြင်း၊ ကဗျာရွတ်ဖတ်ခြင်း၊ သီချင်းဆိုခြင်း၊လက်ဆောင်ပေးခြင်း အစီစဥ်များဖြင့် ခမ်းနားစွာကျင်းပလေ့ရှိပါတယ်၊၊ဒါ့အပြင် ကိုယ့်မိသားစုအတွင်းမှာဘဲ ကျင်းပတဲ့သူတွေကတော့ကိုယ့်ဖခင်အတွက် သူကြိုက်တဲ့ပစ္စည်းတစ် ခုခုကို အမှတ်တရလက်ဆောင်အဖြစ်ပေးပြီး ကျေးဇူးတင်ကြောင်း အမှတ်တရ ဂုဏ်ပြုကြလေ့ရှိပါတယ်၊၊ ဖခင်များနေ့မှာ လက်ဆောင်ပေးတာပဲမဟုတ်ဘဲ ကိုယ့်ရဲ့ဖခင်နှင့် အတူတူ ခရီးသွားခြင်း၊ သူကြိုက်တဲ့တဲ့စားစရာ တွေအတူတူသွားစားခြင်း၊ စကားတွေအများကြီးပြောပေး ခြင်းဖြင့် ဖခင်များနေ့ကို အတူတူဖြတ်သန်းပေးနိုင်ရင်တော့အကောင်းဆုံးပါ၊၊ အကြောင်းအမျိုးမျိုးကြောင့်ဖခင်များနေ့မှာ အ‌‌‌‌ေ၀းရောက်နေလို့ သွားမတွေ့နိုင်၊အတူတူအချိန်မကုန်ဆုံးပေးနိုင်၊ လက်ဆောင်မပို့ပေးနိုင်ရင်တောင် ဖခင်များနေ့မှာ ကိုယ်ရဲ့ အဖေကို ဖုန်းဆက်ပြီး အရမ်းကို ကျေးဇူးတင်တဲ့အကြောင်း၊ ချစ်တဲ့အကြောင်းလေးတော့ ပြောဖို့မမေ့ပါနဲ့လို့ပြောချင်ပါတယ်၊၊

 

ဖခင်တွေဆိုတာ သားသမီးတွေရဲ့ လိုအင်ဆန္ဒကိုဖြည့်စည်းပေးဖို့အတွက် နောက်ကွယ်ကနေ အမြဲတမ်း ပံ့ပိုးပေးနေပေမယ့် ကျေးဇူးတင်ခံရဖို့ အမြဲတမ်း မေ့ကျန်ရစ်ခံရတဲ့သူတွေပါ၊

လူငယ်အများစုက အချစ်ကိုကိုယ်စားပြု တဲ့ White Day、 Valentine's Day

​

နေ့တွေမှာကိုယ်ချစ်သူကို အရမ်းချစ်တဲ့ အကြောင်း တခမ်းတနား ဂုဏ်ပြုလေ့ရှိပေမယ့် မိခင်များနေ့ ဖခင်များနေ့ရောက်လာတဲ့အခါ ကိုယ့်ရဲ့ မိဘတွေကို ကျေးဇူးတင်ကြောင်း၊ ချစ်တဲ့အကြောင်းပြောဖို့ မေ့နေတတ်ပါတယ်၊၊ လူငယ်သဘာ၀မို့ ကိုယ်ချစ်တဲ့သူကို ချစ်တဲ့အကြောင်းပြောဖို့ လည်းအရေးကြီးသလို ကိုယ့်ကို ကျွေးမွေးပြုစု ပျိုးထောင်လာတဲ့ ကိုယ့် ရဲ့မိဘတွေကိုလည်း အရမ်းချစ်တဲ့အကြောင်း ကျေးဇူးတင်တဲ့အကြောင်း သတိတရပြောပေးဖို့လိုပါတယ်၊၊ ဒါကြောင့် ဒီတပတ်မှာတော့နှစ်စဥ်နှစ်တိုင်း ဇွန်လ တတိယပတ် တနင်္ဂနွေမှာ ကျင်းပလေ့ရှိတဲ့ ဖခင်များနေ့

အကြောင်းနှင့် ဖခင်များနေ့ မှာဘာတွေလုပ်ကြလဲ၊ ဖခင်များနေ့ ဖြစ်ပေါ်လာပုံ

အကြောင်းကိုအနည်းငယ်ပြောပြချင်ပါတယ်၊၊ မြန်မာပြည်မှာတော့ ဖခင်များနေ့ကို ဇွန်လ ဒုတိယပတ် တနင်္ဂနွေနေ့မှာ ကျင်းပလေ့ရှိပါတယ်၊၊

​

ဂျပန်နိုင်ငံရဲ့ ဖခင်များနေ့ကျင်းပပုံ

​

ဂျပန်နိုင်ငံမှာတော့ ဖခင်များနေ့ရောက်တဲ့အခါ ကိုယ့်ရဲ့ ဖခင်ကိုအ၀ါရောင် နှင်းဆီပန်း လက်ဆောင်ပေးခြင်းဖြင့် ဖခင်များကို ဂုဏ်ပြုလေ့ရှိပါတယ်၊၊ ချစ်ချင်းကို ကိုယ်စားပြုတဲ့ နှင်းဆီပန်းနှင့် ကာကွယ်ပေးခြင်း၊ ပျော်ရွှင်ခြင်း အဓိပ္ပာယ်ရှိတဲ့အ၀ါရောင်ကို ပေါင်းစပ်ပြီး အ၀ါရောင်းနှင်းဆီပန်းကိုလက်ဆောင်ပေးခြင်းဖြစ်ပါတယ်၊၊ ပန်းလက်ဆောင်ပေးတဲ့အခါ သတိထားရမယ့်အချက်က အဖြူရောင်နှင်းဆီပန်းကို မပေးမိဖို့ပါ၊၊ အဖြူရောင်နှင်းဆီပန်းက သေဆုံးပြီးတဲ့သူတွေကို ဂုဏ်ပြုတဲ့အခါ အသုံပြုလေ့ရှိတဲ့ ပန်းဖြစ်တဲ့အတွက် ဖခင်အတွက်ပန်းကိုလက်ဆောင်အဖြစ်ပေးတဲ့အခါ အဖြူရောင် နှင်းဆီပန်းကိုအထူးရှောင်သင့်ပါတယ်၊၊ ပန်းလက်ဆောင်ပေးခြင်းအပြင် ဖခင်နှင့်အတူတူ ညစာစားခြင်း၊အခြား ကိုယ့်ရဲ့ဖခင်ကြိုက်တဲ့ ပစ္စည်းတစ်ခုခုကို လက်ဆောင်ပေးခြင်းဖြင့်လည်း ဖခင်များနေ့ကို ဂုဏ်ပြုလေ့ရှိပါတယ်၊၊ဒါ့အပြင် ဖခင်များနေ့မှာ ဘယ်လိုလက်ဆောင်မျိုးလိုချင်လဲဆိုပြီး ဂျပန်လူမျိုးအသက် ၄၀မှ ၆၉နှစ် အတွင်း ကလေးရှိတဲ့ ဖခင်တွေကို စစ်တမ်းကောက်ကြည့်တဲ့ အခါ 1. အရက်(သို့)ဘီယာ 2. အ၀တ်အစား 3. နာရီ/ ပိုက်ဆံအိတ်/ နက်ခ်တိုင် 4. ခြေအိတ်/ အတွင်းခံတီရှပ် 5. သတ်မှတ်ထားခြင်းမရှိ ဆိုပြီးတွေ့ရပါတယ်၊၊ ဒါကတော့ ဂျပန်နိုင်ငံမှာကျင်းပလေ့ရှိတဲ့ ဖခင်များနေ့အကြောင်းလေးဖြစ်ပါတယ်၊၊

 

အဖေများနေ့အထိမ်းအမှတ်ပွဲဆိုတာ အများအားဖြင့် ခမ်းခမ်းနားနား၊ တခုတ်တရ အသိအမှတ်ပြုခံရခဲတဲ့ ဖခင်တွေရဲ့ မေတ္တာနဲ့ ကျေးဇူးတရားတွေကို ဂုဏ်ပြုဖော်ညွှန်းပြတဲ့ ပွဲဖြစ်ပါတယ်။ မြန်မာလူမျိုးတွေရဲ့ယဉ်ကျေးထုံးဓလေ့အရ မိဘနှစ်ပါးလုံးကို အနန္တောအနန္တငါးပါးထဲမှာ ထည့်သွင်း ဂုဏ်ပြုထားကြပြီး အမေ့မှာ မွေးကျွေးဇူးရှိသလို၊ အဖေ့မှာလည်း ကျွေးကျေးဇူးရှိတယ်လို့ ယူဆထားကြပါတယ်။ အမေက နွေးထွေးတဲ့ချစ်ခြင်းမေတ္တာတရားတွေပေးတဲ့သူဆိုရင် အဖေက ရဲရင့်ခိုင်မာတဲ့ စိတ်ဓာတ် ခွန်အားတွေပေးသူပါ။

       အဖေ့ကို သတိရဖို့၊ အဖေ့ရဲ့ ကျေးဇူးတွေကို အောက်မေ့ကြဖို့ဆိုတာ အဖေများနေ့ ဆိုတဲ့ ဒီနေ့တစ်နေ့တည်းမှာပဲ လုပ်ရမှာမဟုတ်ဘဲ အမြဲလိုလို သတိရနေဖို့၊ အလေးအမြတ်ထားနေဖို့လိုကြောင်းတိုက်တွန်းရင်း ၂၀၂၁ ခုနှစ်၊ ဇွန်လ (၁၉) ရက်မှာ ကျရောက်တဲ့ အဖေများနေ့ မှာ ကမ္ဘာပေါ်မှာရှိသမျှ ဖခင်တွေကို လေးစားသမှုနဲ့ ဂုဏ်ပြုအပ်ပါတယ်။

 

​

      ‘/////////////////’’’’’’’’’’’’   အဖေဆိုသည်မှာ ‘’’’’’’’’’’’////////////////////////’ 

 

ဟိုး. .ကျွန်တော်ငယ်ငယ် ကလေးဘဝ စကားပြောတတ်စ အရွယ်တုန်းကပေါ့ အဖေနဲ့ အမေကမေးတယ်
ဖေဖေနဲ့မေမေ ဘယ်သူ့ကိုပိုချစ်သလဲတဲ့ ကျွန်တော် ဖြေတယ် ''မေမေ့ကို ပိုချစ်တယ်''
အမေကပြုံးပြီးအဖေ့ကိုကြည့်တယ် အဖေကတော့ကျွန်တော့်ကို ပြုံးပြုံးကြီးကြည့်နေလေရဲ့. . .
အဲဒီလူထူးဆန်းကြီးအကြောင်း ကျွန်တော့်ခေါင်းသေးသေးလေးနဲ့
စဉ်းစားလို့မရခဲ့ဘူး. . . .ဒီလိုနဲ့. .ကျွန်တော်အဝေးရောက်ခဲ့တယ် အပြုံးတုတွေကြား ကျွန်တော်ယဉ်ပါးလာတော့. . .
အဖေ့အပြုံးကို ပြန်မြင်လာတယ်. .အဖေရယ်. . .အမေ့ကိုပိုချစ်တယ်ပြောတော့ အဖေတကယ်ပျော်လို့ပြုံးခဲ့တာလား. . .
ကျွန်တော့်ရင်ထဲစို့နင့်နေတယ် ဟုတ်တယ်. . . အဖေဆိုတာ. . .ခံစားချက်ကိုမျိုသိပ် ကျွန်တော်တို့အိပ်မက်တွေအရောင်လက်ဖို့
တိတ်တိတ်ကလေး ပေးဆပ်ခဲ့တဲ့သူ. . .ကျွန်တော်ငယ်ငယ်က မိသားစုထမင်းဝိုင်းလေး ခုပြန်တွေးတိုင်း မျက်ရည်ဝဲတယ်
တစ်ခါတစ်ရံချက်ဖြစ်တဲ့ ကြက်သားဟင်းနဲ့နေ့ကလေးပေါ့  အမေကအသည်းအမြစ်ကလေးကို အဖေ့ပန်းကန်ထဲဦးချတယ်
အဖေရယ်လေ. . .
    အသည်းအမြစ်လေးကို လေးပိုင်းပိုင်း ကျွန်တော်တို့မောင်နှစ်မလေးယောက်ကို မျှပေးပြီး ကြက်ခြေထောက်နဲ့လည်ပင်းရိုးကို
သူ့ပန်းကန်ထဲထည့်စားတယ် ကျွန်တော်အဖေ့ကိုမေးတယ် အဖေကဘာလို့အရိုးတွေစားတာလဲလို့ အဖေကပြုံးပြုံးကြီးဖြေတယ်
အဖေက အရိုးတွေကြိုက်လို့ပေါ့ သားရယ်တဲ့ အဲဒီလူထူးဆန်းကြီးအကြောင်း ကျွန်တော့်ခေါင်းသေးသေးလေးနဲ့
တွေးမရခဲ့ဘူး. . .အခု မုသားတွေကြား ကျွန်တော်အသားကျလာတော့ အဖေ့စကားသံတွေပြန်ကြားတယ်
အဖေရယ်. . .
  အဖေကြိုက်တဲ့ အရိုးတွေက တကယ်များချိုမြိန်ခဲ့တာလား ကျွန်တော့်ရင်ထဲစို့နင့်လာတယ် ဟုတ်တယ်. . . အဖေဆိုတာ. . .
ဆူးခင်းလမ်းပေါ် ရဲရဲလျှောက် ကျွန်တော်တို့ဘဝတွေ အရောင်တောက်ဖို့ မိုးကောင်ကင်ကို ဖောက်ခဲ့တဲ့သူ. . .ငယ်ငယ်က အမေ့လက်ဖုဝါးလေး ဆော့ကစားတော့ အဖေကလက်ဖုဝါးလေးထိုးပေးခဲ့ဖူးတယ် ကျွန်တော်ပြောခဲ့ဖူးတယ်
မကိုင်ချင်ဘူး အဖေ့လက်တွေကကြမ်းတယ် အဖေက ကျွန်တော့ပါးလေးမွှေးမွှေးပေးပြီး
ပေါက်တူးတစ်လက်နဲ့ လယ်တောထွက်သွားတယ် အဲဒီလူထူးဆန်းကြီးအကြောင်း ကျွန်တော့်ခေါင်းသေးသေးလေးနဲ့
တွေးလို့မရခဲ့ဘူး. . .ဒီနေ့
လောကလမ်းထဲ စမ်းတဝါးဝါးနဲ့ ငွေတွင်းကနက်တယ် အဖေ့လက်ဖဝါးတွေ ဘာကြောင့်ကြမ်းလဲ ကျွန်တော်သိပြီ
ကျွန်တော့်ရင်ထဲ စို့နင့်လာတယ် ဟုတ်တယ် အဖေဆိုတာကြယ်တစ်စင်းလို မမှိတ်မသုန်အလင်းနဲ့
ကျွန်တော်တို့နင်းဖို့ ဘဝကို မြေလိုခင်းပေးခဲ့တဲ့သူ. . .မနေကတော့
အမေ့အိမ်လေး ကျွန်တော် အပြေးရောက်ခဲ့မိတယ် ငါ့သားအနေအစားဆင်းရဲလာတယ် အသားဟင်းလေးချက်ပါတဲ့. . .
အဖေ့စကားသံတွေကမပီပြင်ဘူး အဖေ့သွားတွေ အရင်လို အစီအရီမရှိကြတော့ဘူးလေ
တိုက်တိုက်ဆိုင်ဆိုင် အမေကြက်သားဟင်းချက်တယ် ထမင်းဝိုင်းလေးက အရင်လို လူမစုံတော့ဘူး အမေကတော့ ဝတ္တရားမပျက်
အဖေ့အတွက် ဦးချမြဲ အသည်းအမြစ်ကလေးပါပဲ. . .
  အဖေရယ်လေ
တုန်တုန်ရင်ရင် သူ့လက်ကလေးနဲ့ ကျွန်တော့်ပန်းကန်ထဲ ထည့်ဖို့ပြင်နေလေရဲ့ ကျွန်တော်အဖေ့လက် အသာလေးကိုဖွဖွကိုင်ပြီး အဖေစားပါအဖေရယ်လို့ပြောမိတယ် ကျွန်တော့်ပါးပြင်ပေါ် မျက်ရည်တွေ တလိမ့်လိမ့် စီးကျလာတယ် ကျွန်တော်အဖေ့ကို လက်အုပ်ကလေးချီလိုက်ပြီး အမေ့ဘက်လှည့်လို့ ပြောလိုက်တယ်
''အမေ အဲဒီကြက်ခြေထောက်နဲ့လည်ချောင်းရိုး ကျွန်တော့ပန်းကန်ထဲထည့်ပေးပါ ''
အဖေက ကျွန်တော့်ကိုပြုံးပြုံးကြီးကြည့်နေလေရဲ့
မျက်ဝန်းမှာတော့ မျက်ရည်စတွေနဲ့. . .
ကျွန်တော်အဖေ့လည်ပင်းလေးကို မွှေးမွှေးပေးရင်း တစ်ချက်ရှိုက်လိုက်မိတယ် ဟုတ်တယ်. . .
အဲဒီလူထူးဆန်းကြီးအကြောင်း ကျွန်တော် ဒီနေ့ကောင်းကောင်းသိခဲ့ပါပြီ. . . .။ ။
ရှိခိုးဦးချကန်တော့ပါရစေ အဖေ ယနေ့ကျရောက်သော အဖေများနေ့အား ဂုဏ်ပြုလျှက်...