top of page
Bellevue Myanmar Baptist Church
ထာဝရအသက်ရရှိခဲ့ပြီလား?
မေးခွန်း ထာဝရအသက်ရရှိခဲ့ပြီလား?
အဖြေ - ဝရအသက်လမ်းကို သမ္မာကျမ်းစာက တိကျစွာဖော်ပြထားပါသည်။ ပထမအနေနှင့် ကျွနု်ပ်တို့သည် ဘုရားသခင်ကိုဆန့်ကျင်သောအပြစ်သားဖြစ်ကြောင်းကို အသိအမှတ်ပြုရမည်။ “အဘယ်ကြောင့်နည်း ဟူမူကား၊ လူအပေါင်းတို့သည် ဒုစရိုက်ကိုပြု၍ ဘုရားသခင့်ရှေ့တော်၌ အသရေပျက်ကြပြီ။” (ရော၊၃း၂၃)။ ကျွနု်ပ်တို့ လုပ်ဆောင်ခဲ့သော အရာဟူသမျှသည် ဘုရားသခင်ကို ဝမ်းနည်းစေခဲ့သည်။ ထို့ကြောင့် ကျွနု်ပ်တို့သည် အပြစ်ဒဏ်ခံထိုက်သူ များဖြစ်သည်။ ကျွနု်ပ်တို့၏ အပြစ်အားလုံးက ထာဝရဘုရားသခင်ကို ဆန့်ကျင်သောကြောင့် ကျွနု်ပ်တို့သည် ထာဝရ အပြစ်ဒဏ်ကို ခံထိုက်သောသူများဖြစ်သည်။ “အပြစ်တရား၏ အခကား သေခြင်းပေတည်း။ ဘုရားသခင်ပေးတော်မူသော ကျေးဇူးတော်ကား၊ ငါတို့သခင်ယေရှုခရစ်အားဖြင့် ထာဝရအသက်ပေတည်း။” (ရော၊ ၆း၂၃)
သို့သော် အပြစ်ကင်းမဲ့သော သခင်ယေရှုခရစ်တော်(၁ပေ၊၂း၂၂)၊ ထာဝရဘုရားသခင်၏ သားတော်(ယော၊၁း၁,၁၄) သည် လူ့ဇာတိကိုခံယူပြီး ကျွနု်ပ်တို့၏ ပြစ်ကြွေးအားလုံးကိုပေးဆပ်ရန် အသေခံခဲ့ပါသည်။ “ငါတို့သည် အပြစ်ရှိစဉ်ပင် ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍၊ ဘုရားသခင်သည် ငါတို့ကို အဘယ်မျှလောက်ချစ်တော်မူ သည်ကို ငါတို့အား ထင်ရှားစွာပြတော်မူ၏” (ရော၊ ၅း၈)။ သခင်ယေရှုခရစ်တော်သည် ကားတိုင်ပေါ်တွင် အသေခံ၍ (ယော၊ ၁၉း၃၁-၄၂)၊ ကျွနု်ပ်တို့ခံထိုက်သောအပြစ်ကြွေးအားလုံးကို သူ ယူဆောင်သွားခဲ့သည် (၂ကော၊ ၅း၂၁)။ သုံးရက်မြောက် သောနေ့တွင် သူသည် သေခြင်းမှထမြောက်၍(၁ကော၊၁၅း၁-၄) သူသည် အပြစ်တရားနှင့် သေခြင်းတရားကို အောင်မြင်ခဲ့ ကြောင်းသက်သေပြခဲ့သည်။ “သခင်ယေရှုခရစ်တော်သည် သေခြင်းမှ ရှင်ပြန်ထမြောက်တော်မူခြင်းအားဖြင့် ကြီးစွာသော ဂရုဏာတော်နှင့်အညီ ငါတို့ကို တဖန်သွားစေတော်မူ၏။(၁ပေ၊၁း၃)။
ယုံကြည်ခြင်းအားဖြင့် ကျွနု်ပ်တို့သည် ကျွနု်ပ်တို့၏အပြစ်မှ `ရုန်းထွက်နိုင်၍ ကယ်တင်ခြင်းရရှိရန် ခရစ်တော်ထံသို့ ပြန်လှည့်လာ၍ရပါသည်။ (တ၊၃း၁၉)။ ကျွနု်ပ်တို့သည် ခရစ်တော်ကို ယုံကြည်၍ သူသည် ကားတိုင်ပေါ်တွင် ကျွနု်ပ်တို့၏ အပြစ်ကြွေးအားလုံးပေးဆပ်ရန် အသေခံသည်ဟု ယုံကြည်ကိုးစားလျှင် ကျွနု်ပ်တို့သည် အပြစ်လွှတ်ခြင်းအခွင့်ရရှိပြီး ကောင်း ကင်နိုင်ငံတော်ကို အမွေခံရမည်ဖြစ်သည်။ “ဘုရားသခင်၏သားတော်ကိုယုံကြည်သော်သူအပေါင်းတို့သည် ပျက်စီးခြင်းသို့ မရောက်၊ ထာဝရအသက်ကိုရစေခြင်းငှာ၊ ဘုရားသခင်သည် မိမိ၌တပါးတည်းသော သားတော်ကို စွန့်တော်မူသည့်တိုင် အောင် လောကီသားတို့ကို ချစ်တော်မူ၏။” (ယော၊ ၃း၁၆)။ “အဘယ်သို့နည်းဟူမူကား၊ သင်သည် သခင်ယေရှုကို နှုတ်ဖြင့် ဝန်ခံ၍ ဘုရားသခင်သည် သူ့ကိုသေခြင်းမှ ထမြောက်စေတော်မူပြီဟု စိတ်နှလုံးထဲ၌ ယုံကြည်လျှင်၊ ကယ်တင်ခြင်းသို့ ရောက်လိမ့်မည်” (ရော၊ ၁ဝး၉)။ ကားတိုင်တော်ပေါ်တွင် ခရစ်တော်ပြုခဲ့သော အမှုကိုယုံကြည်ကိုးစားခြင်းသာလျှင် ကောင်းရာသုခဘုံသို့ ပို့ဆောင်ပေးနိုင်သော လမ်းသွယ်ဖြစ်သည်။ “ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်း သို့ရောက်ရ၏။ ကိုယ်အလိုအလျောက်ရောက်သည်မဟုတ်။ ဘုရားသခင်သနားတော်မူရာဖြစ်သတည်း။ ကိုယ် ကုသိုလ်ကြောင့် ကယ်တင်တော်မူခြင်းသို့ ရောက်သည်မဟုတ်။ သို့ဖြစ်၍ အဘယ်သူမျှ ၀ါကြွားစရအခွင့်မရှိ” (ဧ၊ ၂း၈၊၉)။
မိတ်ဆွေသည် သခင်ယေရှုကို မိမိကယ်တင်ရှင်အဖြစ်လက်ခံလိုလျှင် ဤသို့ဆုတောင်းပါ။ ယုံကြည်ခြင်းမရှိပဲ ဤ ဆုတောင်းကိုရွတ်ဆိုခြင်းသည်အားဖြင့်ဖြစ်စေ၊ တခြားဆုတောင်းခြင်းကို မြွက်ဆိုခြင်းအားဖြင့် မိတ်ဆွေသည် ကယ်တင်ခြင်း မရရှိနိုင်ပါ။ ခရစ်တော်က အပြစ်မှကယ်တင်ခဲ့သည်ဟု ယုံကြည်မှသာလျှင် ကယ်တင်ခြင်းရရှိနိုင်ပါသည်။ ဤဆုတောင်း ခြင်းသည် ဘုရားသခင်ကို ယုံကြည်ကြောင်းဖော်ပြသော ဆုတောင်းခြင်း၊ ဘုရားသခင်ပြင်ဆင်ပေးသော ကယ်တင်ခြင်းအတွက် သူ့ကို ကျေးဇူးတင်စကားပြောခြင်းသာဖြစ်သည်။ “ကိုယ်တော်ရှင်ဘုရားသခင်၊ ကျွနု်ပ်သည် ကိုယ်တော်ကိုပြစ်မှား၍ သေခြင်း ပြစ်ဒဏ်ကိုခံထိုက်သောသူဖြစ်ကြောင်းကို ကျွနု်ပ်သိရှိပါ၏။ သို့သော် သခင်ယေရှုခရစ်တော်သည် အပြစ်ကြွေးအားလုံးကို ယူဆောင်သွားခဲ့ပါ၏်။ သခင်ယေရှုကိုယုံကြည်ခြင်းအားဖြင့် ကျွနု်ပ်သည် အပြစ်လွတ်ခြင်းအခွင့်ရခဲ့ပါ၏။ ကျွနု်ပ်သည် အပြစ် ဒုစရိုက်ကို ကျော်ခိုင်းပြီး ကယ်တင်ခြင်းရရှိနိုင်ရန် ကိုယ်တော်ကို ယုံကြည်ကိုးစားပါ၏။ ကိုယ်တော်၏ အံ့သြဖွယ်ရာ ကျေးဇူးတော်နှင့် ခွင့်လွှတ်ခြင်းတရားဖြစ်သော ထာဝရအသက်ရှင်ခြင်း ဆုကျေးဇူးအတွက် ကိုယ်တော့်ကို ကျေးဇူးတင်ပါ၏။! အာမင်!
ဤနရောတှငျမိတျဆှဖေတျခဲ့သောအကွောငျးအရာကွေ ာငျ့ခရစျတောျကိုလကျခံရနျဆုံးဖွတျခကြျခခြဲသလား? ဆုံးဖွတျခကြျခခြဲ့လြှငျ“ယနေ့ခရစျတောျကို ကြှနုျပျလကျခံခဲ့ပါပွီ”ဟူသော စကားစုကို နှိပျပါ
ခရစ်တော်ကိုယုံကြည်လက်ခံခဲ့ပါပြီ။ ယခုဘာလုပ်သင့်သနည်း?
ခရစ်တော်ကိုယုံကြည်လက်ခံခဲ့ပါပြီ။ ယခုဘာလုပ်သင့်သနည်း?
ဂုဏ်ယူမိပါသည် ! မိတ်ဆွေသည် တသက်တာပြောင်းလဲမှု ဆုံးဖြတ်ချက်ချခဲ့ပါပြီ! “ယခုဘာလုပ်သင့်သနည်း ? ဘုရားသခင်နှင့်အတူ လျှောက်လှမ်းရန် မည်သို့အစပြုရမည်နည်း? ဟုမိတ်ဆွေသည် မေးမြန်းနိုင်သည်။ သမ္မာကျမ်း စာမှ ကောက်နုတ်ထားသော အောက်တွင်ဖော်ပြထားသော ခြေလှမ်းငါးခုသည် မိတ်ဆွေအတွက်ဖြစ်ပါသည်။ ဘုရား သခင်နှင့်အတူလျှောက်လှမ်းရာတွင် မိတ်ဆွေသည် မေးရန်မေးခွန်းရှိပါလျှင်
၁။ မိတ်ဆွေသည် ကယ်တင်ခြင်းတရားသိရှိရမည်။
၁ယော၊ ၅း၁၃ က “ဘုရားသခင်၏သားတော်ကို ယုံကြည်သောသင်တို့သည် ထာဝရအသက်ကို ကိုယ်တိုင်ရသည် ဟုုသိစေခြင်းငှာ၊ ဤအရာများကို သင်တို့အား ငါရေး၍ပေးလိုက်၏” ကယ်တင်ခြင်းအကြောင်းကိုသိရှိနားလည်ရန် ဘုရား သခင်က အလိုတော်ရှိသည်။ ကျွနု်ပ်တို့သည် ကယ်တင်ခြင်းစိတ်ချလုံခြုံမှုရှိသည်ကို သေချာရန် ဘုရားသခင်က အလိုတော် ရှိသည်။ ကျွနု်ပ်တို့သည် ကယ်တင်ခြင်းသော့ချက်တစ်ချို့တို့ကို အတိုချုံး၍လေ့လာကြပါစို့။
(က) ကျွန်ုပ်တို့အားလုံးသည် ဒုစရိုက်ကိုပြုကြပြီ။ ကျွန်ုပ်တို့လုပ်ဆောင်ချက်မှန်သမျှတို့က ဘုရားသခင်ကို ဝမ်းနည်းစေသည် (ရောမ၊ ၃း၂၃)။
(ခ) ကျွန်ုပ်တို့၏အပြစ်ကြောင့် ဘုရားသခင်နှင့် ထာဝရခွဲခွာခြင်းဖြင့် အပြစ်ဒဏ်ခံထိုက်သောသူများဖြစ်ကြသည်။ (ရောမ၊ ၆း၂၃)။
(ဂ) ကျွန်ုပ်တို့၏ အပြစ်ကြွေးပေးဆပ်ရန် သခင်ယေရှုသည် ကားတိုင်တော်ပေါ်တွင် အသေခံခဲ့သည် (ရောမ၊ ၅း၈၊၂ကော၊ ၅း၂၁)။ သခင်ယေရှုသည် ကျွနု်ပ်တို့နေရာတွင် အစားထိုး၍ အသေခံခဲ့ကာ ကျွန်ုပ်တို့နှင့် ထိုက် တန်သော ပြစ်ဒဏ်ဟူသမျှကို သူယူဆောင်သွားခဲ့သည်။ သခင်ယေရှုအသေခံခြင်းသည် ကျွနု်ပ်တို့သည် အပြစ်မှလွတ်ငြိမ်းချမ်းသာခွင့်ရရန်လုံလောက်သည်ဟု သူ၏ ထမြောက်ခြင်းက သက်သေထူပါသည်။
(ဃ) သခင်ယေရှုကို ယုံကြည်သူအားလုံးနှင့် သူ၏အသေခံခြင်းသည် ကျွနု်ပ်တို့၏အပြစ်အားလုံး ပေးဆပ်ကျေ အေးရန်ဖြစ်သည်ဟု ယုံကြည်ကိုးစားသောသူအားလုံးတို့အား ဘုရားသခင်က အပြစ်လွှတ်ခြင်းအခွင့်နှင့် ကယ်တင်ခြင်းတရားပေးခဲ့ပါသည်” (ယောဟန်၊ ၃း၁၆၊ ရောမ၊ ၅း၁၊ ရောမ၊ ၈း၁)။
အထက်၌ဖော်ပြထားသော အကြောင်းအရာဟူသမျှတို့သည် ကယ်တင်ခြင်းအကြောင်းဖြစ်သည်။ မိတ်ဆွေသည် သခင်ယေရှုခရစ်တော်ကို မိမိကယ်တင်ပိုင်ရှင်အဖြစ် ယုံကြည်လက်ခံလျှင် ကယ်တင်ခြင်းရရှိသည်။ မိတ်ဆွေအပြစ်အားလုံး သည် လွတ်ငြိမ်းခြင်းအခွင့်ရရှိပြီး ဘုရားသခင်က မိတ်ဆွေကို မစွန့်ပစ်မမေ့လျော့ဘူးဟု ကတိပြုထားပါသည်။ (ယောဟန်၊ ၁ဝး၂၈-၂၉)။ သခင်ယေရှုသာလျှင် မိမိကယ်တင်ရှင်အဖြစ် မိတ်ဆွေယုံကြည်လက်ခံပါက ကောင်းကင်ရွှေအိမ်တော်၌ ဘုရား သခင်နှင့်အတူ ထာဝရကာလစိုးစံမည်ဖြစ်ကြောင်း မိတ်ဆွေသည် ယုံကြည်စိတ်ချမှုရရှိနိုင်ပါသည်!
၂။ နှုတ်ကပတ်တော်သင်ပေးသော အသင်းတော်ကိုရှာဖွေပါ။
အသင်းတော်သည် အဆောက်အဦးဖြစ်သည်ဟု မိတ်ဆွေမယူဆသင့်ပေ။ အသင်းတော်သည် လူတွေသာဖြစ်ပါ သည်။ ယုံကြည်သူတို့သည် ခရစ်တော်၌ အချင်းချင်းမိတ်သဟာရဖွဲ့ခြင်းသည် အလွန်အရေးကြီးပါသည်။ အချင်းချင်း မိတ် သဟာရဖွဲ့ခြင်းသည် အသင်းတော်၏ ရည်ရွယ်ချက်တစ်ခုဖြစ်သည်။ ယခုမိတ်ဆွေသည် သခင်ယေရှုခရစ်တော်ကို ယုံကြည် ခဲ့ပါသည်။ မိတ်ဆွွေသည် နီးစပ်ရာ နှုတ်ကပတ်တော်ကို ယုံကြည်သော အသင်းတော်ကို ရှာဖွေ၍ သင်းအုပ်ဆရာနှင့် စကား ပြောရန် ကျွနု်ပ်တို့စိတ်အားထက်သန်စွာ ခွန်အားပေးပါသည်။ မိတ်ဆွေသည် သခင်ယေရှုခရစ်တော်ကို ယုံကြည်ခံကြောင်း သင်းအုပ်ဆရာကို သိစေပါ။
အသင်းတော်၏ ဒုတိယမြောက်ရည်ရွယ်ချက်သည် နှုတ်ကပတ်တော်သွန်သင်ရန်ဖြစ်ပါသည်။ မိတ်ဆွေအတွက် ဘုရားသခင်၏လမ်းညွှန်ချက်တို့ကို မိတ်ဆွေလေ့လာသင်ယူနိုင်ပါသည်။ နှုတ်ကပတ်တော်ကို နားလည်သိကျွမ်းခြင်းသည် အောင်မြင်သော ခရစ်ယာန်အသက်တာ ရယူပိုင်ဆိုင်ရန်နှင့် တန်ခိုးကြီးမားသော ခရစ်ယာန်အသက်တာရယူပိုင်ဆိုင်ရန်ဖြစ် စေသော သော့ချက်ပင်ဖြစ်သည်။ ၂တိမောသေ ၃း၁၆-၁၇ ထဲတွင် “ထိုကျမ်းစာရှိသမျှသည် ဘုရားသခင်မှုတ်သွင်းတော်မူ ခြင်းအားဖြင့် ဖြစ်၍ ဘုရားသခင်၏ လူသည် စုံလင်သောသူ၊ ကောင်းသောအမှုကိုအမျိုးမျိုးတို့ကို ပြုစုခြင်းအလို့ငှာ ပြင်ဆင်သောသူဖြစ်မည်အကြောင်း၊ သြဝါဒပေးခြင်း၊ အပြစ်ကိုဖော်ပြခြင်း၊ ဖြောင့်မတ်စွာပြုပြင်ခြင်း၊ တရားကိုသွန်သင်ခြင်း အမှုများပြုတတ်၏ ”ဟုဖော်ပြထားသည်။
အသင်းတော်၏ တတိယမြောက်ရည်ရွယ်ချက်သည် ဝတ်ပြုကိုးကွယ်ခြင်းဖြစ်သည်။ ဝတ်ပြုကိုးကွယ်ခြင်းသည် ဘုရားသခင်ကို ကျေးဇူးတင်ခြင်းဖြစ်သည်။ ဘုရားသခင်က ကျွနု်ပ်တို့ကို ကယ်တင်ခဲ့သည်။ ဘုရားသခင်က ကျွန်ုပ်တို့ကို ချစ် သည်။ ဘုရားသခင်က ကျွနု်ပ်တို့ လိုအပ်သမျှဖြည့်ဆည်းပေးသည်။ ဘုရားသခင်က ကျွနု်ပ်တို့ကို ဦးဆောင်လမ်းပြသွန်သင် သည်။ သူ့ကို ကျွန်ုပ်တို့ကျေးဇူးမတင်ပဲ အဘယ်သို့နေနိုင်မည်နည်း ? ဘုရားသခင်သည် သန့်ရှင်းသည်။ ဖြောင့်မတ်သည်။ ချစ်ခြင်းမေတ္တာဖြစ်သည်။ ကျေးဇူးဂရုဏာတော်နှင့်ပြည့်စုံသည်။ ဗျာဒိတ်၊ ၄း၁၁ ထဲတွင် “အို ထာဝရဘုရား၊ ကိုယ်တော်သည် ခပ်သိမ်းသောအရာတို့ကို ဖန်ဆင်းတော်မူပြီ။ ထိုအရာတို့သည် အလိုတော်ကြောင့်ဖြစ်၍ ဖန်ဆင်လျှက်ရှိကြပါသည်။ ထို့ကြောင့် ကိုယ်တော်သည် ဘုန်းအသားရေးတန်ခိုးတော်ကို ခံစားထိုက်တော်မူ၏ ဟု လျှောက်ဆို၍ ပလ္လင်တော်ရှေ့၌ မိမိ တို့သရဖူများကို ချထားကြ၏” ဟု ဖော်ပြထားသည်။
၃။ ဘုရားသခင်နှင့်မိတ်သဟာရဖွဲ့နိီုင်ရန် နေ့တိုင်းသီးသန့်အချိန်ယူရမည်။
ဘုရားသခင်နှင့် မိတ်သဟာရဖွဲ့နိုင်ရန် နေ့တိုင်းသီးသန့်အချိန်ယူခြင်းသည် အလွန်အရေးကြီးသည်။ အချို့က ၄င်းကို “တိတ်ဆိတ်သောအချိန်”ဟုခေါ်ကြသည်။ အချို့သောသူတို့က ၄င်းကို “ဝတ်ပြုခြင်း”ဟုလည်းခေါ်ကြသည်။ အဘယ်ကြောင့် ဆိုသော ထိုအချိန်သည် ဘုရားသခင်ထံဝတ်ပြုခြင်းဖြင့် အသက်တာဆက်ကပ်အပ်နှံသောအချိန်ဖြစ်သောကြောင့် ဖြစ်သည်။ အချို့သည် နံနက်ပိုင်းတွင် အချိန်ယူတတ်ကြပြီး အချို့က ညပိုင်းတွင် အချိန်ယူတတ်ကြသည်။ မိတ်ဆွေသည် နံနက်ပိုင်း တွင်အချိန်ယူသည်ဖြစ်စေ၊ ညနေပိုင်းတွင် အချိန်ယူသည်ဖြစ်စေ ပြဿနာမရှိပေ။ ဘုရားသခင်နှင့် အချိန်မှန်မှန်ယူဖို့ရန်က အရေးကြီးသည်။ ကျွနု်ပ်တို့သည် ဘုရားသခင်နှင့် အချိန်ယူသောအခါ မည်သည့်အရာတို့ကို လုပ်ဆောင်ရမည်နည်း ?
(က) ဆုတောင်းခြင်း ။ ။ ဆုတောင်းခြင်းသည် ဘုရားသခင်နှင့်စကားပြောခြင်းဖြစ်သည်။ ထို့ကြောင့် မိတ်ဆွေ၏လိုအပ်ချက်များနှင့် ပြဿနာတို့ကို ဘုရားသခင်ထံပြောပြပါ။ ပညာနှင့်မစခြင်းရရှိရန် ဘုရားသခင်ထံတောင်းလျှောက်ပါ။ မိတ်ဆွေသည် ဘုရားသခင်ကို မည်မျှချစ်သည်ကို၄င်း၊ မိတ်ဆွေ အတွက် သူပြုခဲ့သော အမှုအားလုံးကို မည်မျှချီးမွမ်းသည်ကို၄င်း၊ ဘုရားသခင်ကိုပြောပြပါ။ ဤသို့ပြုခြင်း သည် ဆုတောင်းခြင်းပင်ဖြစ်သည်။
(ခ) ကျမ်းစာဖတ်ခြင်း ။ ။ အသင်းတော်၌ဖြစ်စေ၊ ဥပုဒ်စာဖြေသင်တန်း၌ဖြစ်စေ၊ သမ္မာကျမ်းစာ ဆွေးနွေးခြင်းအားဖြင့်ဖြစ်စေ နှုတ်ကပတ်တော်ကို သင်ယူခြင်းများအပြင် မိတ်ဆွေသည် ကိုယ်တိုင်ကိုယ်ကျ သမ္မာကျမ်းစာဖတ်ရှုရန်လိုအပ်သည်။ အောင်မြင်သော ခရစ်ယာန်အသက်တာဖြင့် လျှောက်လှမ်းနိုင်ရန် အတွက် သိသင့်သိထိုက်သောအရာတို့ကို သမ္မာကျမ်းစာထဲတွင် ဖော်ပြထားသည်။ ကောင်းမွန်သော ဆုံးဖြတ်ချက်ချနိုင်ရန်အတွက်ဖြစ်စေ၊ ဘုရားသခင်၏အလိုတော်သိရှိရန်အတွက်ဖြစ်စေ၊ အခြားသူတို့ကို အစေခံနိုင်ရန်အတွက်ဖြစ်စေ၊ ၀ိညာဉ်ရေးရာရင့်ကျက်ကြီးထွားနိုင်ရန်အတွက်ဖြစ်စေ၊ သိသင့်သိထိုက်သော အရာဟူသမျှကို သမ္မာကျမ်းစာထဲတွင် ဖော်ပြထားပါသည်။ သမ္မာကျမ်းစာသည် ဘုရားသခင်၏ နှုတ်ကပတ် တော်ဖြစ်သည်။ သမ္မာကျမ်းစာသည် ဘုရားသခင်ကို ဝမ်းမြောက်စေ၍ ကျွနု်ပ်တို့အပေါ် စိတ်နှစ်သိမ့်အားရ ခြင်းရှိနိုင်သော ဘုရားသခင်၏ အခြေခံညွှန်ကြားချက်ပင်ဖြစ်သည်။
၄။ မိတ်ဆွေ၏ ၀ိညာ ဉ်ရေးရာ တိုးတက်ရန် အခြားသူများနှင့် မိတ်သဟာရဖွဲ့ပါ။
၁ကော၊ ၁၅း၃၃ ထဲတွင် “ အလွဲမယူကြနှင့်။ မကောင်းသောသူတို့နှင့် ပေါင်းဖော်ခြင်းအားဖြင့် ကောင်းသော အကျင့်ဓလေ့ယိုယွင်းတတ်၏။” ဟုဖော်ပြထားသည်။ “ဆိုး”သောသူတို့၏ လွှမ်းမိုးအုပ်ချုပ်ခြင်းမှ မိမိကိုယ်ကိုကာကွယ်ရန် သမ္မာကျမ်းစာက အစဉ်အမြဲကတိပေးထားပါသည်။ အပြစ်ဒုစရိုက်ပြုသောသူတို့နှင့် အမြဲလက်တွက်လျှင် ကျွနု်ပ်တို့သည် လည်း ထိုသူတို့နည်းတူ အပြစ်ဒုစရိုက်၌ကျင်လည်နိုင်ပါသည်။ ကျွန်ုပ်တို့၏ပတ်ဝန်းကျင်၌ရှိသောသူတို့၏ အကျင့်စာရိတ္တက ကျွနု်ပ်တို့ကို “လွှမ်းမိုး”နိုင်ပါသည်။ ထို့ကြောင့် ဘုရားသခင်ကိုချစ်သောသူနှင့် သူ့ထံသို့ဆက်ကပ်အပ်နှံသောသူတို့ကို ရှာဖွေ ပေါင်းဖော်ခြင်းသည် အလွန်အရေးကြီးသည်ဟု ဖော်ပြလိုခြင်းဖြစ်သည်။
မိတ်ဆွေကို ကူညီနိုင်သူ၊ ခွန်အားပေးနိုင်သူ တစ်ယောက်(သို့) နှစ်ယောက်ကို မိတ်ဆွေ၏ အသင်းတော်၌ရှာဖွေပါ (ဟေဗြဲ၊ ၃း၁၃၊ ၁ဝး၂၄)။ ဘုရားသခင်နှင့်အချိန်ယူရာတွင်ဖြစ်စေ၊ မိတ်ဆွေ၏သွားလာလှုပ်ရှားမှု၌ဖြစ်စေ၊ မိတ်ဆွေ ဘုရား သခင်နှင့်အတူ သွားလာရာတွင်ဖြစ်စေ မိတ်ဆွေကိုကူညီဖေးမရန် သူငယ်ချင်းမိတ်ဆွေတို့ကို အကူအညီတောင်းခံပါ။ မိတ်ဆွေသည် သူငယ်ချင်းတို့ကို ကူညီပေးနိုင်သော နည်းလမ်းရှိလျှင် ကူညီပေးနိုင်ရန် သူတို့ကို ခွင့်တောင်းပါ။ သခင်ယေရှု ခရစ်တော်ကို မိမိကယ်တင်ရှင်အဖြစ် လက်မခံသော မိတ်ဆွေသူငယ်ချင်းတို့ကို စွန့်ပစ်ရန်ဖော်ပြလိုခြင်းမဟုတ်ပေ။ သူတို့ကို မိတ်ဆွေသူငယ်ချင်းအဖြစ် ပေါင်းသင်း၍ချစ်ပါ။ မိတ်ဆွေသည် မိမိအသက်တာကို သခင်ယေရှုက ပြောင်းလဲစေခဲ့ကြောင်းနှင့် မိတ်ဆွေစွဲလန်းခဲ့ဘူးသော လောကီအရာများ လုံးဝမလုပ်ဆောင်နိုင်တော့ကြောင်းကို မိတ်ဆွေ၏သူငယ်ချင်းတို့အား သိစေပါ။ မိတ်ဆွေ၏ သူငယ်ချင်းအပေါင်းအဖော်တို့နှင့် သခင်ယေရှုအကြောင်း ဆွေးနွေးဝေငှနိုင်သော အချိန်ရရှိရန် ဘုရား သခင်ထံဆုတောင်းပါ။
၅။ ဗတ္တိဇံ ခံယူပါ။
လူများစွာတို့က ဗတ္တိဇံအကြောင်းနှင့်ပတ်သက်၍ လွှဲမှားစွာခံယူတတ်ကြပါသည်။ “ဗတ္တိဇ”၏ အဓိပ္ပါယ်သည် ရေထဲသို့ နှစ်မြှုပ်ခြင်းဖြစ်သည်။ ဗတ္တိဇံ ခံယူခြင်းသည် မိတ်ဆွေက ခရစ်တော်ကို ယုံကြည်လက်ခံကြောင်း လူအများရှေ့ တွင် သက်သေခံခြင်းဖြစ်၍ ခရစ်တော်၏ နောက်တော်သို့လိုက်လျှောက်ရန် မိတ်ဆွေ၏ ဆက်ကပ်အပ်နှံခြင်းလည်းဖြစ်ပါ သည်။ ရေထဲသို့ နှစ်မြှုပ်ခြင်းသည် ခရစ်တော်နှင့်အတူ သဂြိုလ်ခြင်း ခံယူခြင်းကို ပုံဆောင်သည်။ ရေထဲမှ ပြန်လည်ထမြောက် ခြင်းသည်လည်း ခရစ်တော်၏ ရှင်ပြန်ထမြောက်ခြင်းကို ပုံဆောင်ထားပါသည်။ ဗတ္တိဇံ ခံယူခြင်းသည် သခင်ယေရှုက မိတ်ဆွေအတွက် အသေခံခြင်း၊ သဂြိုလ်ခြင်းနှင့် ရှင်ပြန်ထမြောက်ခြင်းတို့ကို အသိအမှတ်ပြုခြင်းဖြစ်သည် (ရောမ၊ ၆း၃-၄)။
ဗတ္တဇံခံယူခြင်းသည် မိတ်ဆွေကို ကယ်တင်ပေးသောအရာမဟုတ်ပေ။ ဗတ္တိဇံ ခံယူခြင်းက မိတ်ဆွေ၏ အပြစ်တို့ကို မဆေးကြောနိုင်ပေ။ ဗတ္တိဇံခံယူခြင်းသည် နာခံခြင်းအတွက် ရှေ့သို့ခြေလှမ်းလှမ်းခြင်းဖြစ်ပြီး ကယ်တင်ခြင်း စိတ်ချမှုကို ရရှိ နိုင်ရန် ခရစ်တော်ကိုသာ ယုံကြည်ကြောင်းကို လူအများရှေ့တွင် ကြွေးကြော်ခြင်းဖြစ်သည်။ ဗတ္တိဇံ ခံယူခြင်းသည် နာခံခြင်း ခြေလှမ်းဖြစ်သော ခရစ်တော်ကို ယုံကြည်ကြောင်းကို ပရိတ်သတ်အများရှေ့၌ ကြွေးကြော်ခြင်းနှင့် ခရစ်တော်၏နောက်သို့ လိုက်လျှောက်ရန် အသက်တာဆက်ကပ်အပ်နှံခြင်းဖြစ်သောကြောင့် ဗတ္တိဇံ ခံယူခြင်းသည် အရေးကြီးသည်။ မိတ်ဆွေသည် ဗတ္တိဇံ ရေနှစ်ခြင်းမင်္ဂလာကို ခံယူလိုလျှင် မိတ်ဆွေသည် သင်းအုပ်ဆရာများနှင့် စကားပြောသင့်ပါသည်။
ဘုရားသခင်ထံက ကျွနု်ပ်၏ အပြစ်အားလုံးကို မည်သို့ ခွင့်လွှတ်နိုင်မည်နည်း?
မေးခွန်း ဘုရားသခင်ထံက ကျွန်ုပ်၏ အပြစ်အားလုံးကို မည်သို့ ခွင့်လွှတ်နိုင်မည်နည်း?
အဖြေ - စာ၊ ၁၃း၃၈ “ထို့ကြောင့် ညီအစ်ကိုတို့၊ ထိုသခင်၏ကျေးဇူးတော်ကြောင့် အပြစ်လွှတ်ခြင်း တရားကိုကို သင်တို့အား ဟောကြားခဲ့သည်ကို သိမှတ်ကြလော့”။
ခွင့်လွှတ်ခြင်းသည် အဘယ်နည်း? အဘယ်ကြောင့် ကျွနု်ပ်တို့သည် အပြစ်လွတ်ခြင်းတရားကို လိုအပ်သနည်း?
“ခွင့်လွှတ်ခြင်း”အဓိပ္ပါယ်သည် တောက်ပြောင်သန့်ရှင်းရန် ဆေးကြောပေးခြင်း၊ ကျေးဇူးဂရုဏာသက်ရောက်ခြင်းဖြင့် ခွင့်လွှတ်ခြင်း၊ အကြွေးစာရင်းမှပယ်ဖျက်ခြင်းမျိုးဖြစ်သည်။ ကျွန်ုပ်တို့သည် လူတစ်စုံတစ်ယောက်အပေါ်တွင် အပြစ်ပြုမိသော အခါ ထိုသူနှင့် ပြန်လည်သင့်မြတ်၍ မိတ်သဟာရဖွဲ့နိုင်ရန် သူတို့၏ ခွင့်လွှတ်ခြင်းကို ကျွနု်ပ်တို့ လိုအပ်သည်။ ထိုခွင့်လွှတ် ခြင်းသည် ထိိုက်တန်သူတစ်ဦးပေါ်တွင် ပေးအပ်သော အရာမဟုတ်ပေ။ မည်သူကမှ ခွင့်လွှတ်ရန် မထိုက်တန်ပေ။ ခွင့်လွှတ် ခြင်းသည် ချစ်ခြင်းမေတ္တ၊ ဂရုဏာတရားနှင့် သစ္စာတရားတို့၏ လုပ်ဆောင်မှုပင်ဖြစ်သည်။ ခွင့်လွှတ်ခြင်းသည် ဆန့်ကျင် ပုန်ကန်မှုပြုသောသူအား ပြန်လည် မတုံ့ပြန်ရန် ဆုံးဖြတ်ချက်ချမှတ်ခြင်း၊ မိတ်ဆွေအပေါ် သူတို့ပြုခဲ့သော အမှားတို့ကို ပြန်လည်လက်စားမချေခြင်းပင်ဖြစ်သည်။
ကျွန်ုပ်တို့အားလုံးတို့သည် ဘုရားသခင်ထံမှလာသော ခွင့်လွှတ်ခြင်းကို လိုအပ်ကြောင်းကို သမ္မာကျမ်းစာက ဖော်ပြ ခဲ့သည်။ ကျွနု်ပ်တို့အားလုံးတို့သည် အပြစ်ဒုစရိုက်ကို ပြုခဲ့ကြပြီ။ ဒေသနာကျမ်း ရး၂၀ က “အပြစ်မပါပဲ ကောင်းသောအကျင့် ကိုကျင့်သောသူတော်ကောင်းတစုံတစ်ယောက်မျှ မြေကြီးပေါ်မှာမရှိ။” ဟုဖော်ပြထားပါသည်။ ၁ယော၊ ၁း၈ က “ကိုယ်အပြစ် မရှိဟု ငါတို့သည်ဆိုလျှင်၊ ကိုယ့်ကိုကိုယ် လှည့်ဖြားကြ၏။ ငါတို့၌ သစ္စာတရားမရှိ”ဟု ပြောထားပါသည်။ အပြစ်ဟူသမျှသည် ဘုရားသခင်ကို ဆန့်ကျင်ပုန်ကန်သည် (ဆ၊၅၁း၄)။ ကျွနု်ပ်တို့သည် အပြစ်ရှိကြသောကြောင့် ဘုရားသခင်၏ ခွင့်လွှတ်ခြင်း တရားကို ကျွနု်ပ်တို့လိုအပ်သည်။ ကျွနု်ပ်တို့သည် လွှတ်ငြိမ်းခြင်းအခွင့်မရလျှင် ထိုအပြစ်ကြောင့် ငရဲမီးအိုင်ထဲ၌ထာဝရကာလ ဒုက္ခဆင်းရဲခြင်းကို ခံစားရပါလိမ့်မည်။ (မ၊ ၂၅း၄၆၊ ယော၊၃း၃၆)
ခွင့်လွှတ်ခြင်း - ၄င်းကို ကျွနု်ပ်သည် မည်ကဲ့သို့ရရှိနိုင်မည်နည်း?
ဝမ်းမြောက်စရာသတင်းကောင်းတစ်ခုသည် ဘုရားသခင်သည် ချစ်ခြင်းမေတ္တာ၊ ဂရုဏာတရားနှင့်ပြည့်စုံတော်မူ သောဘုရားသခင်ဖြစ်သည်။ သူက ကျွနု်ပ်တို့၏အပြစ်တို့ကို ခွင့်လွှတ်ရန်အတွက် အလိုတော်ရှိသည်။ ၂ပေ၊၂း၉ ထဲတွင် “ … ထာဝရဘုရားသည် ကတိတော်အရာမှာ နှေးတော်မမူ။ ငါတို့တွင် အဘယ်သူမျှ မပျက်ဆီးဘဲ၊ ရှိသမျှတို့သည် နောင်တရစေ ခြင်းငှာ အလိုတော်ရှိ၍ ငါတို့ကိုသည်းခံတော်မူ၏” ဟုဖော်ပြထားသည်။ ဘုရားသခင်သည် ကျွနု်ပ်တို့ကို ခွင့်လွှတ်ရန် အလို တော်ရှိသည်။ ထို့ကြောင့် ကျွနု်ပ်တို့သည် လွတ်ငြိမ်းခြင်းအခွင့်ရရှိရန် သူက ပြင်ဆင်ပေးထားခဲ့သည်။
ကျွန်ုပ်တို့၏အပြစ်များအတွက် တစ်ခုတည်းသော တရားစီရင်ခြင်းသည် သေခြင်းဖြစ်သည်။ ရောမ၊ ၆း၂၃ အစောပိုင်း တွင် “အပြစ်၏အခကား သေခြင်းပေတည်း”ဟု ဖော်ပြထားသည်။ ထာဝရသေခြင်းသည် ကျွနု်ပ်တို့၏အပြစ်တရား၏ အကျိုး သက်ရောက်မှုပင်ဖြစ်သည်။ သခင်ယေရှုသည် ဘုရားသခင်၏အစီအစဉ်အတိုင်း လူ့ဇာတိကိုခံယူခဲ့ပါသည် (ယော၊၁း၁၊၁၄)။ သခင်ယေရှုသည် ကားတိုင်ပေါ်တွင် အသေခံ၍ ၄င်းအားဖြင့် ကျွနု်ပ်တို့နှင့်ထိုက်တန်သော တရားစီရင်ခြင်း သေဒဏ်ကို သူ ယူဆောင်သွားခဲ့သည်။ (၂ကော၊၅း၂၁)ထဲတွင် “အဘယ်ကြောင့်နည်းဟူမူကား ဘုရားသခင်သည် အပြစ်နှင့် ကင်းစင်သော သူကို ငါတို့အတွက်ကြောင့် အပြစ်ရှိသောသူဖြစ်စေတော်မူ၏။ အကြောင်းမူကား ငါတို့သည် ထိုသူအားဖြင့် ဘုရားသခင်ရှေ့ တော်၌ ဖြောင့်မတ်သောသူဖြစ်မည် အကြောင်းတည်း” ဟု ဖော်ပြထားပါသည်။ သခင်ယေရှုသည် ကားတိုင်တော်ပေါ်တွင် အသေခံ၍ ကျွနု်ပ်တို့နှင့်ထိုက်တန်သော ကျိန်ခြင်းတို့ကို သူသည် ယူဆောင်သွားခဲ့သည်။ ဘုရားသခင်၏မျက်မှောက်၌ လောကီသား အားလုံးတို့၏ အပြစ်ဟူသမျှတို့ကို သခင်ယေရှု၏အသေခံခြင်းအားဖြင့် လွတ်ငြိမ်းခြင်းအခွင့်ရရှိကြသည်။ ၁ယော၊ ၂း၂ထဲတွင် “ထိုသခင်သည် ငါတို့၏ အပြစ်မက၊ လောကီသားအပေါင်းတို့၏ အပြစ်ဖြေစရာအကြောင်း ဖြစ်တော်မူ၏”ဟုဖော်ပြထားသည်။သခင်ယေရှုသည် သေခြင်းမှထမြောက်ခဲ့၍ သူ၏အပြစ်တရားနှင့် သေခြင်းတရားပေါ်တွင် အောင်မြင်ခြင်းရရှိကြောင်းကြွေးကြော်ခဲ့ပါသည်(၁ကော၊၁၅း၁-၂၈)။ဘုရားသခင် ဘုန်းကြီးပါစေ။ သခင်ယေရှုအသေခံခြင်းနှင့် ပြန်လည် ထမြောက်ခြင်းအားဖြင့် ရောမ၊ ၆း၂၃ နောက်ပိုင်းတွင် ဖော်ပြသော အကြောင်းအရာတို့သည် မှန်ကန်သည်။” ……… ဘုရား သခင်ပေးတော်မူသော ကျေးဇူးတော်ကား ငါတို့သခင်ယေရှုခရစ်အားဖြင့် ထာဝရအသက်ပေတည်း”။
မိတ်ဆွေသည် အပြစ်တရားမှ လွှွတ်ငြိမ်း်ခြင်းအခွင့်ရယူလိုသလော? မိတ်ဆွေသည် မိမိဒုစရိုက်နွံထဲမှ မရုန်းထွက်နိုင် ဟု မိမိကိုယ်ကို ခံစားပါသလော? မိတ်ဆွေသည် သခင်ယေရှုခရစ်တော်ကို မိမိကယ်တင်ရှင်အဖြစ် ယုံကြည်လက်ခံလျှင် အပြစ်တရားအုပ်စိုးမှု နွံထဲမှ လွတ်မြောက်ခြင်းအခွင့်ရရှိမည်ဖြစ်ပါသည်။ ဧဖက်၊ ၁းရ ထဲတွင် “ခပ်သိမ်းသော သတိပညာ တော်နှင့်လျော်ညီစွာ ငါတို့၌ အတိုင်းထက်အလွတ်များလှစွာသော ကျေးဇူးတော်သည် ကြွယ်ဝပြည့်စုံနှင့်အညီ၊ ထိုသားတော် ၏အသွေးအားဖြင့် အပြစ်လွှတ်တော်မူခြင်းတည်းဟူသော ရွေးနှုတ်တော်မူခြင်းကျေးဇူးကို ငါတို့သည် ခံရကြ၏”ဟု ဖော်ပြ ထားသည်။ သခင်ယေရှုက ကျွနု်ပ်တို့၏အပြစ်ကြွေးအားလုံးတို့ကို ပေးဆပ်ခဲ့သောကြောင့် ကျွနု်ပ်တို့သည် အပြစ်လွတ်ခြင်း အခွင့်ရရှိသည်။ မိတ်ဆွေလုပ်ဆောင်ရမည့်အရာသည် သခင်ယေရှုအားဖြင့် မိတ်ဆွေအပြစ်များကို လွှတ်ခြင်းအခွင့်ရရှိရန် ဘုရားသခင်ထံတောင်းလျှောက်ခြင်း၊ သခင်ယေရှုသည် မိတ်ဆွေ၏ လွတ်ငြိမ်းချမ်းသာခွင့်ရရှိရန် အသေခံသည်ဟု ယုံကြည် ခြင်းတို့ဖြစ်သည်။သို့ပြုလျှင်ဘုရားသခင်က မိတ်ဆွေကို ခွင့်လွှတ်ပါလိမ့်မည်။ ယောဟန်၊ ၃း၃၆-၁၇ ထဲတွင် အံ့သြဘွယ်ကောင်းသော သတင်းကို ဖော်ပြထားပါသည်။ “ဘုရားသခင်၏ သားတော်ကိုယုံကြည်သောသူအပေါင်းတို့သည် ပျက်ဆီးခြင်းသို့မရောက်၊ထာဝရအသက်ကိုရစေခြင်းငှာ၊ဘုရားသခင်သည ်မိမိ၌တပါးတည်းသောသားတော်ကိုစွန့်တော်မူသည့်တိုင်အောင် လောကီ သားတို့ကိုချစ်တော်မူ၏။ လောကီသားတို့အား အပြစ်စီရင်ခြင်းငှာ ဘုရားသခင်သည် သားတော်ကိုဤလောကသို့ စေလွှတ် တော်မူသည်မဟုတ်။ လောကီသားတို့သည် ကိုယ်တော်အားဖြင့် ကယ်တင်ခြင်းသို့ရောက်မည်အကြောင်း စေလွှတ်တော်မူ ၏”။
ခွင့်လွှတ်ခြင်းတရား - ၄င်းကို အမှန်ရရှိရန် လွယ်ကူပါသလား?
ဟုတ်ပါသည်။ လွယ်ကူပါသည်။ ဘုရားသခင်ထံမှ အပြစ်လွှတ်ခြင်းအခွင့်ရရှိရန် ကျွန်ုပ်တို့သည် ကြိုးပမ်းလုပ်ဆောင် မှုဖြင့်မရနိုင်ပေ။ အပြစ်လွှတ်ခြင်းအခွင့်ကို ဘုရားသခင်၏ကျေးဇူးတော်နှင့် ဂရုဏာတရားတော်ကို ယုံကြည်ခြင်းအားဖြင့် ကျွနု်ပ်တို့ရရှိနိုင်ပါသည်။ မိတ်ဆွေသည် သခင်ယေရှုခရစ်တော်ကို မိမိကယ်တင်ပိုင်ရှင်အဖြစ်လက်ခံလို၍ ဘုရားသခင်ထံမှ အပြစ်လွတ်ငြိမ်းခြင်းအခွင့်ရယူလိုလျှင် မိတ်ဆွေသည် ဤသို့ဆုတောင်းနိုင်သည်။ ယုံကြည်ခြင်းမရှိပဲ ဆုတောင်းခြင်းအားဖြင့် ဖြစ်စေ၊ အခြားသောဆုတောင်းခြင်းအားဖြင့် ကယ်တင်ခြင်းမရနိုင်ပေ။ သခင်ယေရှုခရစ်တော်ကို ယုံကြည်ကိုးစားခြင်းအား ဖြင့် ကျွန်ုပ်တို့သည် အပြစ်လွှတ်ခြင်း အခွင့်ရရှိနိုင်သည်။ ဤဆုတောင်းခြင်းသည် ကျွနု်ပ်တို့ ဘုရားသခင်ကိုယုံကြည်ကြောင်း ကို သူ့ထံရင်ဖွင့်ပြောဆိုခြင်းနှင့် ကျွနု်ပ်တို့၏အပြစ်လွှတ်ခြင်းအတွက် သူပြင်ဆင်ပေးခြင်းအပေါ် သူ့ကိုကျေးဇူးတင်စကားပြော ခြင်းဖြစ်သည်။ “ကိုယ်တော်ရှင်၊ ကျွနု်ပ်သည် ကိုယ်တော့်ကိုပြစ်မှား၍ အပြစ်ဒဏ်ခံထိုက်သူဖြစ်ကြောင်း ကျွနု်ပ်သိရှိပါ၏။ သို့ သော် သခင်ယေရှုခရစ်တော်က ကျွနု်ပ်နှင့်ထိုက်တန်သောအပြစ်ဒဏ်အတွက် အသေခံခဲ့သောကြောင့် ကျွနု်ပ်သည် မိမိအပြစ်နွံထဲမှ လွတ်မြောက်၍ ကယ်တင်ခြင်းရရှိရန် ကိုယ်တော့့်ကို ကျွန်ုပ်ယုံကြည်ပါ၏။ ကိုယ်တော်၏ အံ့သြဘွယ်ကောင်း သော ကျေးဇူးတော်နှင့် ခွင့်လွှတ်ခြင်းတရားအတွက် ကိုယ်တော့်ကို ကျေးဇူးတင်ပါ၏! အာမင်!”
ဤနရောတှငျမိတျဆှဖေတျခဲ့သောအကွောငျးအရာကွေ ာငျ့ခရစျတောျကိုလကျခံရနျဆုံးဖွတျခကြျခခြဲသလား? ဆုံးဖွတျခကြျခခြဲ့လြှငျ“ယနေ့ခရစျတောျကို ကြှနုျပျလကျခံခဲ့ပါပွီ”ဟူသော စကားစုကို နှိပျပါ
ဒုတိယမွေးခြင်းကိုခံသောခရစ်ယာန်ဟူသည် အဘယ်နည်း?
မေးခွန်း / ဒုတိယမွေးခြင်းကိုခံသောခရစ်ယာန်ဟူသည် အဘယ်နည်း?
အဖြေ - ။ဒုတိယမွေးခြင်းကိုခံသော ခရစ်ယာန်ဟူသည် အဘယ်နည်း။ ဤမေးခွန်းကို ယောဟန် ၃း၁-၂၁ ၌ ဖော်ပြထားသော အရေးကြီးသည့််အကြောင်းအရာအားဖြင့် ဖြေဆိုနိုင်ပါသည်။ ထင်ပေါ်ကျော်ကြားသော ဖာရိရှဲ၊ စိန်ဟဲဒရင်အဖွဲ့ဝင်ဖြစ်သော (ယုဒလူတို့တွင်အရာရှိ) နိကောဒင်ထံ သခင်ယေရှုခရစ်တော်က မျက်နှာချင်းဆိုင်၍ စကားပြောခဲ့သည်။ နိုကောဒင်သည် ညဉ့်အချိန်တွင် သခင်ယေရှုထံလာခဲ့သည်။ နိကောဒင်သည် သခင်ယေရှုထံ မေးခွန်းမေးမြန်းရန်လာခြင်းဖြစ်ပါသည်။
သခင်ယေရှုက နိေကောဒင်အား ဤသို့ပြောခဲ့သည်။“ဒုတိယမွေးခြင်းကို မခံသောသူမည်သည်ကား ဘုရား သခင်၏နိုင်ငံတော်ကို မမြင်ရဟု ငါအမှန်အကန်ဆိုသည်။ နိကောဒင်ကလည်း အသက်ကြီးသောသူသည် မွေးခြင်းကို အဘယ်သို့ခံနိုင်ပါမည်နည်း။ အမိဝမ်းထဲသို့တဖန်ဝင်၍ မွေးခြင်းကိုခံနိုင်ပါမည်လောဟု လျှောက်၏။ ယေရှုကလည်း ရေနှင့် ၀ိညာဉ်တော်မမွေးသောသူမည်သည်ကား ဘုရားသခင်၏ နိုင်ငံတော်သို့မဝင်ရဟု ငါအမှန်အကန်ဆို၏။ ဇာတိပကတိမွေးသောအရာသည် ဇာတိပကတိဖြစ်၏။ ၀ိညာဉ်တော်မွေးသောအရာသည်ဝိညာဉ်ဖြစ်၏။ဒုတိယမွေးခြငး် ကိုခံရမည်ဟု ငါပြောသည်ကို အံ့သြခြင်းမရှိနှင့် ……….“ (ယောဟန်၃း၃-၇)
“ဒုတိယမွေးဖွားခြင်း စကားစုသည် ၀ိညာဉ်တော်အားဖြင့် မွေးဖွားခြင်းကိုဆိုလိုသည်။ နိကောဒင်သည် ဒုတိယ မွေးဖွားခြင်းခံရန်တောင့်တခဲ့သည်။ သူသည် ၀ိညာဉ်ပြောင်းလဲမှုဖြစ်သောသူ၏ နှလုံးသားပြောင်းလဲရန်လိုအပ်သည်။ အသစ်သော မွေးဖွားခြင်း၊ ဒုတိယအကြိမ်မွေးဖွားခြင်းသည် ယုံကြည်သောသူတို့အပေါ်တွင် ထာဝရအသက်ပေးအပ် ခြင်းအမှုဖြစ်သောဘုရားသခင်၏လုပ်ဆောင်ချက်ဖြစ်သည်။တနည်းအားဖြင့်ယုံကြည်သောသူတို့အား ထာဝရအသက် ေပေးအပ်ခြင်းအမှုဖြစ်သည်။ (၂ကော ၅း၁၇၊ တိတု ၃း၅၊ ၁ပေ၊ ၁း၃၊ ၁ယော၊ ၂း၂၉၊ ၃း၉၊ ၄းရ၊ ၅း၁-၄၊ ၁၈)။ ဒုတိယမွေးခြင်းသည် ယေရှုခရစ်တော်၏နာမတော်ကိုယုံကြည်ခြင်းအားဖြင့် ဘုရားသခင်၏ သားဖြစ်ရသော အခွင့်ကိုရရှိခြင်းကိုဆိုလိုသည်ဟု ယောဟန် ၁း၁၂၊၁၃ထဲတွင် ညွှန်ပြထားသည်။
“လူတစ်ယောက်သည် အဘယ့်ကြောင့်ဒုတိယမွေးခြင်းခံရန် လိုအပ်သနည်း” ဟူသောအတွေးအခေါ်ဆန် သည့် မေးခွန်းတစ်ခုထွက်ပေါ်လာပါသည်။ တမန်တော်ပေါလုက ဧဖက် ၂း၁ ထဲတွင် “ထိုဒုစရိုက်အပြစ်၌ သေလျက်ရှိ သောသင်တို့ကိုပင် ဘုရားသခင်သည် အသက်ရှင်စေတော်မူပြီ“ ဟုဖော်ပြထားသည်။ ရောမမြို့၌ရှိသော ယုံကြည်သူ များထံ“အဘယ့်ကြောင့်နည်းဟူမူကား လူအပေါင်းတို့သည် ဒုစရိုက်ကိုပြု၍ ဘုရားသခင်ရှေ့ တော်၌ အသားရေပျက်ကြပြီ”(ရောမ၊၃း၂၃)ဟုတမန်တော်ကဆိုထားပါသည်။ထို့ကြောင့်လူတစ်ယောက်သည် အပြစ်လွှတ်ခြင်း အခွင့်ရရှိရန်နှင့် ဘုရားသခင်နှင့်မိတ်သဟာရဖွဲ့ဲခြင်းအခွင့်ရရှိရန် ဒုတိယမွေးခြင်းခံရန် လိုအပ်ပါသည်။
မည်သို့ဒုတိယမွေးခြင်းခံရနိုင်မည်နည်း။ ဧဖက် ၂း၈-၉ ထဲတွင် ”ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းသို့ရောက်ရ၏။ ကိုယ်အလိုအလျောက်ရောက်သည်မဟုတ်၊ ဘုရားသခင်သနားတော်မူရာဖြစ်သတည်း။ ကိုယ်ကုသိုလ်ကြောင့်ကယ်တင်တော်မူခြင်းကို ရောက်သည်မဟုတ်။ သို့ဖြစ်၍ အဘယ်သူမျှကြွားဝါစရာအခွင့်မရှိ။” ဟုဖော်ပြထားပါသည်။ လူတစ်ယောက်သည် ကယ်တင်ခြင်းခံခဲ့ရလျှင် ဒုတိယမွေးခြင်းကို ခံခြင်း၊ ၀ိညာဉ်တော်၌ အသစ် ပြုပြင်ခြင်း၊ အသစ်သောမွေးဖွားခြင်းအားဖြင့် ဘုရားသခင်၏သားသမီးဖြစ်ခြင်းအခွင့်ရရှိသည်။ ကားတိုင်တော် ပေါ်တွင် သခင်ယေရှုခရစ်တော်သည် အသေခံချိန်တွင် ပြစ်ကြွေးအားလုံးကိုပေးဆပ်ပေးခဲ့ပြီဟု ယုံကြည်ကိုးစားခြင်း သည်ဝိညာဉ်ရေးရာ၌ ဒုတိယမွေးခြင်း ကိုဆိုလိုသည်။ ထို့ကြောင့် လူမည်သည်ကား ခရစ်တော်၌ရှိလျှင် အသစ်ပြုပြင် သောသတ္တဝါဖြစ်၏……..” (၂ကော၊ ၅း၁၇) (က))။
သခင်ယေရှုခရစ်တော်ကို အသက်ကယ်တင်ရှင်အဖြစ် မိတ်ဆွေသည် ယုံကြည်လက်ခံ ကိုးစားခြင်းမရှိလျှင် သန့်ရှင်းသောဝိညာဉ်တော်သည် မိတ်ဆွေ၏နှလုံးသားထဲ၌ စကားပြောသည်ဟု မိတ်ဆွေသည် ခံယူနိုင်မည်လော? မိတ်ဆွေသည်ဒုတိယမွေးခြင်းခံရန်လိုအပ်သည်။ယနေ့မိတ်ဆွေသည် နောင်တ ရရှိရန် နှင့်အသစ်ပြုပြင်သော သတ္တဝါဖြစ်ရန်ဆုတောင်းလိုသလား။ထိုသူကိုလက်ခံသမျှသောသူတည်းဟူသော ကိုယ်တော်ကိုယုံကြည်သော သူတို့အား ဘုရားသခင်၏သားဖြစ်ရသော အခွင့်ကိုပေးတော်မူ၏။ ထိုသားတို့မူကား လူမျိုးနှင့် စပ်ဆိုင်၍ဖွားသောသား မဟုတ်။ မေထုန်သံဝါသအားဖြင့် ဖွားသောသားမဟုတ်။ လူအလိုအလျောက်ဖွားသောသားမဟုတ်၊ ဘုရားသခင် ဖွားတော်မူသောသားဖြစ်သတည်း (ယောဟန် ၁း၁၂-၁၃)။
မိတ်ဆွေသည် သခင်ယေရှုခရစ်တော်ကို မိမိကယ်တင်ရှင်အဖြစ် လက်ခံလို၍ ဒုတိယမွေးခြင်းကို လိုလျှင် ဤသို့ဆုတောင်းပါ။ ယုံကြည်ခြင်းမပါပဲ ဆုတောင်းခြင်းသို့မဟုတ် တခြားဆုတောင်းခြင်းက မိတ်ဆွေကိုမကယ်တင်နိုင် သည်ကိုမှတ်ထားပါ။ ခရစ်တော်ကိုယုံကြည်ကိုးစားခြင်းကသာ မိတ်ဆွေကိုအပြစ်နွံထဲမှ ကယ်တင်နိုင်ပါသည်။ ဤဆုတောငး်ခြင်းသည် မိတ်ဆွေက ဘုရားသခင်ကိုယုံကြည်ကိုးစားကြောင်းနှင့် သူပြင်ဆင်ပေးထားသော ကယ်တင် ခြင်းတရားအတွက် ကိုယ်တော်ကိုကျေးဇူးတင်စကားပြောခြင်းဖြစ်သည်။ “ဘုရားသခင် ကျွန်ုပ်သည်ကိုယ်တော်ကို ပြစ်မှားကြောင်းနှင့် ထိုအပြစ်တရားအတွက် တရားစီရင်ခြင်းပြစ်ဒဏ်ကို ကျွန်ုပ်သည် ခံထိုက်ကြောင်းကျွန်ုပ်သိပါ၏။ ကျွန်ုပ်ခံထိုက်သော ပြစ်ကြွေးအားလုံးကို သခင်ယေရှုကယူဆောင်သွားခဲ့သောကြောင့် ကျွန်ုပ်သည် ခရစ်တော်ကို ယုံကြည်ခြင်းအားဖြင့် လွှတ်ခြင်းအခွင့်ရပါ၏ ကျွနု်ပ်သည်အပြစ်ဒုစရိုက်နွံမှ ရုန်းထွက်၍ ကယ်တင်ခြင်းရရှိရန် ကိုယ့်တော့်ကို ကျွန်ုပ်ယုံကြည်ကိုးစားပါ၏။ ကိုယ်တော်၏ အံ့ဖွယ်သောကျေးဇူးတော်တရားနှင့်ခွင့်လွှတ်ခြင်းတရား၊ ထာဝရအသက်ဆုကျေးဇူးတော်အတွက် ကိုယ်တော်ကို ကျေးဇူးတင်ပါ၏! အာမင်!
ဤနရောတှငျမိတျဆှဖေတျခဲ့သောအကွောငျးအရာကွေ ာငျ့ခရစျတောျကိုလကျခံရနျဆုံးဖွတျခကြျခခြဲသလား? ဆုံးဖွတျခကြျခခြဲ့လြှငျ“ယနေ့ခရစျတောျကို ကြှနုျပျလကျခံခဲ့ပါပွီ”ဟူသော စကားစုကို နှိပျပါ
၀ိညာဉ်ပိုင်းဆိုင်ရာဥပဒေသလေးခုတို့သည် အဘယ်နည်း?
မေးခွန်း - ၀ိညာဉ်ပိုင်းဆိုင်ရာဥပဒေသလေးခုတို့သည် အဘယ်နည်း?
အဖြေ - ၀ိညာဉ်ပိုင်းဆိုင်ရာဥပဒေသလေးခုတို့သည် သခင်ယေရှုခရစ်တော်၌ ယုံကြည်ခြင်းအားဖြင့် ရရှိနိုင် သောကယ်တင်ခြင်းတရားပိုင်းဆိုင်ရာသတင်းကောင်းသက်သေခံဝေမျှသော နည်းဗျူဟာများဖြစ်ပါသည်။ ဤအချက် လေးခုတို့ကို ဝေမျှခြင်းအားဖြင့် ကယ်တင်ခြင်းသတင်းကောင်းအတွက် အရေးပါသောအချက်အလက်တို့ကို ဝေမျှပေး နိုင်သောနည်းလမ်းဖြစ်သည်။
၀ိညာဉ်ပိုင်းဆိုင်ရာဥပဒေသလေးခုထဲမှ ပထမအချက်သည် ဘုရားသခင်က မိတ်ဆွေကို ချစ်၍မိတ်ဆွေ အတွက်အံ့သြဖွယ်ကောင်းသောအကြံအစည်တစ်ခုရှိသည်ဟူ၍ဖြစ်သည်။ ယောဟန်၃း၁၆ထဲတွင် “ဘုရားသခင်၏ သားတော်လိုယုံ ကြည်သောသူအပေါင်းတို့သည် ပျက်စီးခြင်းသို့မရောက်၊ ထာဝရအသက်ကိုရစေခြင်းငှာ ဘုရားသခင်သည် မိမိ၌တစ်ပါးတည်းသောသားတော်ကိုစွန့်တော်မူသည့်တိုင်အောင် လောကီသားတို့ကို ချစ်တော်မူ၏။”ဟုဖော်ပြထားပါသည်။ယောဟန်၁ဝး၁၀ ထဲတွင် သခင်ယေရှု၏ဤလောကသို့ကြွလာခြင်းအကြောင်းကို ဖော်ပြထားပါသည်။ ၄င်းမှာ “သိုးတို့သည် အသက်လွှတ်ရုံမျှမက အထူးသဖြင့် အသက်နှင့်ပြည့်စုံစေခြင်းငှာ ငါလာသတည်း” ဖြစ်သည်။ ဘုရား သခင်၏မေတ္တာတော်မခံစားနိုင်ရန် မည်သည့်အရာကတားဆီးထားသနည်း။ ထာဝရအသက်မရရှိနိုင်ရန် မည်သည့် အရာကတားဆီးပါသနည်း။
၀ိညာဉ်ပိုင်းဆိုင်ရာဥပဒေသလေးခုထဲမှ ဒုတိယမြောက်အချက်သည် လူသားအားလုံးသည် အပြစ်ညစ်စွန်း ကြသောကြောင့် ဘုရားသခင်နှင့်ခွဲခွာခဲ့ကြပါသည်။ ထို့ကြောင့် ကျွန်ုပ်တို့အတွက် ဘုရားသခင်ပြင်ဆင်ထားသော အ့ံသြဖွယ်ကောင်းသောအကြံအစည်တော်ကို ကျွန်ုပ်တို့မသိနိုင်ပေ။ ဤအကြောင်းအရာကို ရောမ ၃း၂၃ ထဲတွင် သေချာစွာတွေ့နိုင်ပါသည်။ “အဘယ့်ကြောင့်နည်းဟူမူကား လူအပေါင်းတို့သည် ဒုစရိုက်ကိုပြု၍ ဘုရားသခင်၏ရှေ့ တော်၌အသားရေပျက်ကြပြီ၊း ရောမ ၆း၂၃ ထဲတွင် အပြစ်တရား၏ ကွင်းဆက်အကျိုးသက်ရောက်မှုတို့ကိုဖော်ပြထားပါ သည်။ “အပြစ်တရား၏ အခကားသေခြင်းပေတည်း။ ဘုရားသခင်ပေးတော်မူသော ဆုကျေးဇူးတော်ကား ငါတို့သခင် ယေရှုခရစ်အားဖြင့် ထာဝရအသက်ပေတည်း” လူဇာတိခံယူသော ဘုရားသခင်က ကျွန်ုပ်တို့သည် သူနှင့်အတူမိတ်သ ဟာရဖွဲ့ရန် ရည်ရွယ်၍ ဖန်ဆင်းခဲ့ခြင်းဖြစ်သည်။ သို့သော်လူသားအားလုံးတို့သည် အပြစ်ဒုစရိုက်ပြု၍ အပြစ်သားများ ဖြစ်ကြသောကြောင့် ဘုရားသခင်နှင့်ခွဲခွာခဲ့ရသည်။ ဘုရားသခင်ကြံစည်တော်ဖြစ်လာသူနှင့်အတူ မိတ်သဟာရ ဖွဲ့ခြင်းကို ကျွန်ုပ်တို့သည် ပျက်စီးစေခဲ့ပါသည်။ မည်သို့ဖြေရှင်းရမည်နည်း။
၀ိညာဉ်ပိုင်းဆိုင်ရာဥပဒေသလေးခုမှ သုံးခုမြောက်အချက်သည် ကျွန်ုပ်တို့သည် မိမိ အပြစ်မှ လွှတ်ခြင်းအခွင့်ရရှိရန်ဘုရားသခင်ပြင်ဆင်ပေးထားသောပုဂ္ဂိုလ်သည်သခင်ယေရှုခရစ်တော်််ဖြစ်ပါသည်။ ယေရှုခရစ်တော်အားဖြင့် ကျွန်ုပ်တို့သည် အပြစ်ဖြေလွှတ်ခြင်းရရှိကာ ဘုရားသခင်နှင့် စစ်မှန်သော မိတ်သဟာရဖွဲ့ခြင်းအခွင့်ကို ပြန်လည်ရယူနိုင် ပါသည်။ ရောမ ၅း၈ထဲတွင် “ငါတို့သည် အပြစ်ရှိစဉ်ပင် ခရစ်တော်သည် ငါတို့အတွက် အသေခံတော်မူသည်ဖြစ်၍ ဘုရားသခင်သည် ငါတို့ကို အဘယ်မျှလောက်ချစ်တော်မူသည်ကို ထင်ရှားစွာပြတော်မူ၏” ဟုဖော်ပြထားသည်။ ၁ကော၊ ၁၅း၃-၄ ထဲတွင် ကျွန်ုပ်တို့သည် ကယ်တင်ခြင်းရရှိနိုင်ရန် သခင်ယေရှုကိုသိကျွမ်းခြင်းနှင့်ယုံကြည်ခြင်းလိုအပ်သည်ဟုဖော်ပြထားသည်။” ခရစ်တော်သည်ကျမ်းစာလာသည့်အ တိုင်း ငါတို့အပြစ်ကြောင့်အသေခံတော်မူ၏။ သဂြိုလ်ပြီးမှ ကျမး်စာလာသည့်အတိုင်း သုံးရက်မြောက်သောနေ့၌ ထမြောက်တော်မူ၏………..“ယောဟန်၁၄း၆ထဲတွင်သခင်ယေရှုသာလျှင် ကယ်တင်ခြင်းလမ်းသို့ပို့ဆောင်ပေးနိုင်သော လမ်းခရီးဖြစ်ကြောင်း သူကိုယ်တိုင်ဖော်ပြထား ပါသည်။ “ငါသည်လမ်းခရီးဖြစ်၏။သမ္မာတရားလည်းဖြစ်၏။ အသက်လည်းဖြစ်၏။ ငါကိုအမှီမပြုလျှင် အဘယ်သူမျှ ခမည်းတော်ထံသို့မရောက်ရ။“ ကျွန်ုပ်သည် ဤအံ့သြဖွယ်ကောင်းသော ကယ်တင်ခြင်းဆုကျေးဇူးတော်ကို မည်သို့ရရှိ နိုင်မည်နည်း။
၀ိညာဉ်ပိုင်းဆိုင်ရာဥပဒေသလေးခုမှ လေးခုမြောက်အချက်သည် “ဘုရားသခင်၏အံ့သြဖွယ်ကောင်းသော ဆု ကျေးဇူးတော်ကို ရရှိနိုင်ရန်နှင့် ကျွန်ုပ်တို့၏အသက်တာ၌ ဘုရားသခင်၏အကြံအစည်တော်တို့ကို သိရှိနိုင်ရန်နှင့် ကျွန်ုပ် တို့သည် ယေရှုခရစ်တော်ကိုကယ်တင်ရှင်အဖြစ်လက်ခံယုံကြည်ရမည်ဟူသောအချက်ဖြစ်သည်။ “ယောဟန် ၁း၁၂ထဲတွင်ဤအကြောင်းနှင့်ပတ်သက်၍ကျွန်ုပ်တို့အတါက်ဖော်ပြထားပါသည်။ထိုသူကိုလက်ခံသမျှသော သူတည်း ဟူသော ကိုယ်တော်ကိုယုံကြည်သောသူတို့အား ဘုရားသခင်၏သားတော်ဖြစ်ရသောအခွင့်ကိုပေးတော်မူ၏” တမန်တော် ၁၆း၃၁ ထဲတွင်လည်း ဤအကြောင်းကို တိကျစွာဖော်ပြထားပါသည်။ “သခင်ယေရှုခရစ်ကို ယုံကြည်လော့၊ ယုံကြည်လျှင် သင်နှင့်သင်၏ အိမ်သူအိမ်သားတို့သည် ကယ်တင်ခြင်းသို့ရောက်လိမ့်မည်။ ကျွန်ုပ်တို့သည် ကျေးဇူးတော်ကြောင့်သာလျှင် ယုံကြည်ခြင်းအားဖြင့်သာလျှင် သခင်ယေရှုခရစ်တော်အားဖြင့်သာလျှင် ကယ်တင်ခြင်း သို့ရောက်ရှိခြင်းဖြစ်သည် (ဧဖက် ၂း၈-၉)။
မိတ်ဆွေသည် သခင်ယေရှုခရစ်တော်ကို မိမိကယ်တင်ရှုင်အဖြစ်ယုံကြည်လက်ခံလိုလျှင် ဘုရားသခင်ထံသို့ ဤစကားလုံးတို့ကိုရင်ဖွင့်၍ မြွွက်ဆိုပါ။ ယုံကြည်ခြင်းမရှိပဲ ဤစကားလုံးတို့ကို မြွက်ဆိုခြင်းက ကယ်တင်ခြင်းစိတ်ချမှု မပေးနိုင်ပေ။ သို့သော် သခင်ယေရှုခရစ်တော်၏အလိုတော်ကိုယုံကြည်ကိုးစားမှသာ ကယ်တင်ခြင်းရရှိမည်ဖြစ်သည်။ ဤဆုတောင်းခြင်းသည် မိတ်ဆွေကဘုရားသခင်ကိုယုံကြည်ကိုးစားကြောင်းကိုဖေါ်ပြခြင်းနှင့် သူပြင်ဆင်ပေးထားသော ကယ်တင် ခြင်းတရားအတွက် ကိုယ်တော်ကို ကျေးဇူးတင်စကားပြောခြင်းဖြစ်သည်။ “ဘုရားသခင် ကျွန်ုပ်သည် ကိုယ်တော့်ကို ပြစ်မှားကြောင်းနှင့် ထိုအပြစ်တရားအတွက် တရားစီရင်ခြင်းပြစ်ဒဏ်ကို ကျွန်ုပ်သည် ခံထိုက်ကြောင်းကျွန်ုပ်သိပါ၏။ကျွနု်ပ်မထိုက်သောပြစ်ကြွေးအားလုံးကိုသခင်ယေရှုခရစ်တော်က ယူဆောင်သွား ခဲ့သောကြောင့် ကျွန်ုပ်သည် သခင် ယေရှုခရစ်တော်ကိုယုံကြည်ခြင်းအားဖြင့် လွှတ်ခြင်းအခွင့်ရပါ၏။ ကျွနု်ပ်သည် အပြစ်ဒုစရိုက်နွံမှရုန်းထွက်၍ကယ်တင်ခြင်းရရှိရန်ကိုယ်တော်ကိုယုံကြည်ကိုးစားပါ၏။ ကိုယ်တော်၏အံ့သြဖွယ် ကောင်းသော ကျေးဇူူးတော်တရားနှင့် ခွင့်လွှတ်ခြင်းတရား၊ ထာဝရအသက်ဆုကျေးဇူးတော်အတွက် ကိုယ်တော်ကို ကျေးဇူတင်ပါ၏!အာမင်!
ဤနရောတှငျမိတျဆှဖေတျခဲ့သောအကွောငျးအရာကွေ ာငျ့ခရစျတောျကိုလကျခံရနျဆုံးဖွတျခကြျခခြဲသလား? ဆုံးဖွတျခကြျခခြဲ့လြှငျ“ယနေ့ခရစျတောျကို ကြှနုျပျလကျခံခဲ့ပါပွီ”ဟူသော စကားစုကို နှိပျပါ
bottom of page